E Lei di enseñansa obligatorio BES

E Lei di enseñansa obligatorio BES
E Lei di enseñansa obligatorio BES ta regla enseñansa obligatorio i
kualifikashon obligatorio
Enseñansa obligatorio
Enseñansa obligatorio ta konta pa muchanan di 4 pa 16 aña, for di e promé dia di e
luna despues ku e mucha a hasi 4 aña te ku final di e aña eskolar den kua e mucha
a hasi 16 aña, òf na final di e di 12 aña eskolar. E periodo di skol básiko ta konta pa
ocho aña, tambe si e alumno a tuma ménos tempu riba esaki.
02.0
E Lei di enseñansa obligatorio BES ta sòru pa kada mucha te ku 16 aña ta inskribí na
un skol i tambe ta bishitá skol. E mayornan òf tutornan di e mucha ta responsabel
pa esaki sosodé realmente. Lo atendé nan riba esaki si esaki no sosodé. Skolnan tin e
deber di mèldu na e Entidat Públiko, e alumnonan ku ta ousente sin motibu bálido.
E Lei di enseñansa
obligatorio BES
Si un alumno ta falta skol ku regularidat òf e no ta inskribí na un skol, e ámtenar di
enseñansa obligatorio ta buska pa saka afó e motibu di esaki. Mayornan i hóbennan
(for di 12 aña) ta riska di haña un but si e muchanan no ta bai skol i/òf no ta inskribí
na un skol. Hóbennan por haña un kastigu di estudio òf un kastigu di trabou.
Kualifikashon obligatorio
Despues di e último aña di enseñansa obligatorio ta kuminsá e kualifikashon
obligatorio pa hóbennan ku ainda no a logra haña un kualifikashon inisial. Un
kualifikashon inisial ta un diploma di havo, vwo òf mbo (nivel 2). Gobièrnu ta mira e
nivel aki komo e kondishon mínimo pa un bon partisipashon den komunidat.
E kualifikashon obligatorio aki, ta konta te ku e dia ku e hóbennan a logra haña un
kualifikashon inisial, òf te e dia ku e hóben hasi 18 aña. E kualifikashon inisial aki ta
un medida pa evitá ku hóbennan ta stòp di bai skol sin a haña un diploma.
PAP
E kualifikashon obligatorio ta obligá e hóbennan ku ya no ta kai bou di enseñansa
obligatorio i ku no a haña un kualifikashon inisial, pa sigui un programa di
enseñansa. E kualifikashon obligatorio no semper ta nifiká ku un hóben mester
ta den banki di skol sinku dia pa siman; ta posibel pa kombiná estudio i trabou pa
asina kumpli ku e kualifikashon obligatorio. E kualifikashon obligatorio ta reglá den
e Lei di enseñansa obligatorio BES. Pues, reglanan pa dianan liber, dispensashon i
faltamentu di skol pa hóbennan entre 5 i 18 aña ta meskos. No ta importá si e hóben
ta kai bou di enseñansa obligatorio òf kualifikashon obligatorio.
Kualifikashon obligatorio ta nifiká tambe ku tur skol mester mèldu inskripshon i
kanselashon di inskripshon i faltamentu di skol di alumnonan òf partisipante ku
ta kai bou di e enseñansa obligatorio òf kualifikashon obligatorio, na e Entidat
Públiko kaminda e alumno òf e partisipante ta biba. Mester mèldu inskripshon òf
kanselashon di inskripshon denter di shete dia.
Ademas, den kaso ku un hóben no ta sigui e programa di enseñansa kompletu, e
kabes di e instituto mester duna di konosé por eskrito e programa di kombinashon
di estudio i trabou, na e kolegio ehekutivo.
Ámtenar di enseñansa obligatorio
E lei pa enseñansa obligatorio, meskos ku na Hulanda, a desentralisá e supervishon
riba kumplimentu ku e enseñansa obligatorio. A pone esaki bou di enkargo di
e kolegio ehekutivo di e Entidat Públiko. E Entidat Públiko ta responsabel pa e
ámtenar di enseñansa obligatorio. Na Hulanda ta eksistí un organisashon di sektor
pa enseñansa obligatorio, Ingrado. Ingrado por duna asistensia na ámtenarnan di
enseñansa obligatorio den e kumplimentu ku e parti práktiko di nan funshon.
E ámtenar di enseñansa obligatorio ta kontrolá si ta kumpli ku e enseñansa
obligatorio. Tambe e ta duna informashon na hóbennan i mayornan tokante e
importansia di bai skol i e konsekuensianan di falta ku Lei di enseñansa obligatorio.
Si un mucha no kier bai skol mas pa motibu ku e tin un problema, e ora ei ámtenar
di enseñansa obligatorio – den akuerdo ku e skol i e mayornan – ta buska un
solushon. Sinembargo, mayornan i skol ta i ta keda responsabel pa e mucha. Si tin
kaso di faltamentu di skol sin motibu bálido, e mayornan i e alumnonan for di 12 aña
ta keda responsabel.
Si un hóben ku ta kai bou di enseñansa obligatorio òf kualifikashon obligatorio no ta
pará inskribí na un skol i/òf e no ta bishitá skol òf no ta bai su lugá di práktika (e trabou),
su mayornan i/òf e hóben ta kastigabel. Mayornan i hóbennan ta riska di haña un but.
Hóbennan por haña un kastigu di estudio òf kastigu di trabou.
Den e Lei di enseñansa obligatorio BES ta reglá ku si un alumno kier biaha pa eksterior
riba dianan otro for di e dianan di fakansi, lo pidié un deklarashon di dispensashon,
eksonerashon òf outorisashon na frontera. Esaki ta pèrmití solamente si tin duda si e
alumno ta bishitá skol òf un instituto ku regularidat. Tambe e alumno por presentá un
deklarashon ku ta indiká ku el a kanselá inskripshon for di registro sivil, pa bai biba pafó
di e Entidat Públiko.
E foyeto aki ta parti di e seri menshoná aki bou:
01.0
02.0
03.0
03.1
04.0
04.1
04.2
05.0
05.1
06.0
07.0
08.0
E Sistema di enseñansa den Karibe Hulandes
E Lei di enseñansa obligatorio BES
E Lei di enseñansa primario BES
E Lei di enseñansa primario BES
E Lei pa enseñansa sekundario BES
E Lei pa enseñansa sekundario BES
E Lei pa enseñansa sekundario BES
E Lei edukashon i enseñansa vokashonal BES (WEB BES)
E Lei edukashon i enseñansa vokashonal BES (WEB BES)
Hóbennan di trayektonan di oportunidat sosial (SKJ) den Karibe Hulandes
Kondishonnan laboral di personal di enseñansa
Fakansi di skol den Karibe Hulandes
Splikashon di símbolonan
riba portada:
Direktiva di skol
Gerensia di skol
Dosente / Maestro
Gobièrnu lokal
E foyeto aki ta un edishon di:
Rijksdienst Caribisch Nederland, departamentu OCW
Pa mas informashon, por akudí na nos wèpsait:
www.rijksdienstcn.com