¿Cómo lo da pa mañana?

1
¿Cómo lo da pa mañana?
2
Y asina nació otru güevu
fritu diferente del de
comer…
Yo soi’l
“güevu fritu del tiempu”.
O, lo que ye lo mesmo…,
¡que va tar nuble!
Nesto del tiempu hai munches coses qu’hemos
deprender. Vamos dir pasín a pasu p’alcontrar les
claves que nos conviertan n’ auténticos
¡homes y muyeres del tiempu!
Va
3
¿Cómo sabemos que va nevar güei de nueche? ¿Mañana tará más caliente qu’ayeri?
¿Qué ye l’aire les castañes? ¿Por qué les nubes tienen formes y colores diferentes? La
lluna… ¿tien algo que ver nesti asuntu? ¿Y qué ye eso de l’atmósfera? ¿Pa qué val? Por
cierto, tengo a la mio hermana mui esmolecida: el sábadu diz que va coles amigues a una
fiesta de prau… y tol día ta entrugando… ¿cómo lo da pal sábadu? ¡Vaya preocupación
que tien!
Nesta unidá vamos responder a estes y a otres munches preguntes, ¡vamos convertinos
nunos auténticos meteórologos!
¿Qué ye la meteoroloxía?
Ye una CIENCIA, que trata de…
Conxuntu de gases
qu’envuelven la Tierra
Caún de los fenómenos que
podemos alcontrar na atmósfera
PLANETA
TIERRA
ATMÓSFERA
CIENCIA: Conxuntu de conocimientos sobre daqué basaos na
observación y la esperimentación.
Cuando los
fenómenos que
podemos atopar
na atmósfera
… nun mesmu sitiu
repítense
configuren
UN
CLIMA
Y esti ye’l mapa
de los climes
d’España. ¿Sabes
identificalos?
4
Los climes que podemos alcontrar n’España son mui distintos. Básicamente, podemos
estremar seis tipos:
CLIMA
CARACTERÍSTIQUES
Podemos alcontralu na
comunidá autónoma de…
CONTINENTAL
El branu ye mui caliente y l’iviernu mui
fríu, con munches xelaes. Llueve poco.
Madrid
SUBTROPICAL
Temperatura suave tol añu. Llueve mui
poco.
Isles Canaries
OCEÁNICU
SEMIDESÉRTICU
MEDITERRANEU
DE MONTE
Temperatura suave y muncha agua tol
añu.
Ye mui asemeyáu al clima mediterraneu,
pero de parte branu fai más calor y llueve
tovía menos.
Nel iviernu la temperatura ye suave y nel
branu fai muncha calor. Llueve mui poco
en tol añu.
La temperatura ye baxo tol añu. Llueve y
nieva muncho.
Principáu d’Asturies
Murcia
Valencia
Norte d’Aragón
Agora intenta poner los nomes de cada clima en caúna de les zones señalaes.
5
¿Dístite cuenta de que nel centru de la isla de Tenerife (Isles Canaries) hai un clima
diferente al restu la isla? ¿Sabes por qué ye?
Agora vamos facer una posa na
esplicación. De les dos semeyes que
vienen agora, ¿cuála ye la que más
veces vemos n’Asturies?
Claro, les nubes formen una parte mui importante del clima d’Asturies, pero…
¿alcuérdeste de cómo se formen les nubes?
Les nubes tienen l’orixe nel ciclu del agua. Yá sabes que l’agua de los mares y los
océanos evapórase y, depués, cuando se dan determinaes circunstancies climátiques,
condénsase y fórmense les nubes. Les nubes tán formaes por millones de partícules mui
pequeñes de gotes d’agua. Tienen que se dar otres circunstancies climátiques pa que
d’eses nubes pingue l’agua. Les gotes d’agua caen nos ríos, la mar, la tierra y vuelven otra
vez más a evaporase. Ye… ¡el ciclu del agua!
6
Dixéronme que yeres un escolín/a mui
espabiláu/ada. Llei l’exerciciu que vien agora y, si
nun t’alcuerdes de les palabres pa rellenalu, rabila
pela rede y a ver si topes les soluciones.
Nel ciclu del agua, podemos observar que l’agua pasa per estaos bien
estremaos. Intenta responder con qué conceptos se correspuenden estes definiciones:
DEFINICIÓN
L’agua de la mar pasa d’un estáu líquidu a un estáu gaseosu (nes
nubes).
Cualquier tipu d’agua (en cualquier estáu) cai de les nubes a la tierra.
Les gotes d’agua que tán nes nubes, a temperatura mui baxo,
tresfórmense en nieve
Cuando nieva y sal el sol, la nieve desfáise.
CONCEPTU
¿Tas cavilando no mesmo que yo?
Esa gota qu’acaba cayeme na nariz… ¡nació na mar!
¡Qué coses! Ye una viaxera de verdá. Esto da pa
escribir una historia: DEL CANTÁBRICU A LA MIO
NARIZ. ¿Anímeste?
LES NUBES
7
De les nubes hai munches coses que cuntar; depende quién lo cunte.
Manuel, ¡tas nes
nubes! (to ma)
Contigo, toi nes nubes
(namoráu/ada)
Tres de les nubes,
siempre brilla’l sol.
(un optimista)
(un o
Como nubes
d’algodón (poeta)
Yo guárdolo too
na nube (un friki)
Pero les nubes que tán nel cielu, ¿de qué son?, ¿siempre tienen la mesma forma?,
¿cambien de color?
Les nubes son conxuntos
de partícules formaes,
mayoritariamente, de gotines líquides, de cristalinos de
xelu, o de los dos, y que s’atopen suspendíes na atmósfera.
Les nubes puen clasificase según cómo se muevan, según la distancia que les separe de la
Tierra o según la forma que tengan. Nosotros vamos reparar nes formes de les nubes.
Así que mira p’arriba y repara bien
na forma que tienen les nubes.
¡Pero ten cuidáu! ¡Nun vaigas
zarapicar!
Tipos de nubes
Hai munches clases de nubes. Ente les principales tán estes que vienen agora:
CLASES DE NUBES
NOME
CARACTERÍSTIQUES
CIRRU
Asemeyaes a una guedeya de pelo.
Son grupos de nubes formaes por
cristales de xelu que tán perriba de
los 6.000 m. Tienen traza
esfilachada y polo xeneral son
tresllúcidos. Nun precipiten.
CÚMULU
Son les nubes con forma de boles
d’algodón
Nubes de cristales de xelu que tán
perriba de los 6.000 m. Apaecen en
CIRROCÚMULU báramos ralos de nubes d’esti tipu.
Nun producen agua nin nengún tipu
de precipitación.
ESTRATU
Nube básica. Aseméyase a un
sábanu continuu de color agrisao.
Producen agua menudo, prúa,
orbayu y, delles veces, nevaes. Si ta
averáu al suelu, produz nublina.
Velu de nubes, tresparente y
CIRROESTRATU ablancazáu, de traza fibrosa (como
pelo).
EXEMPLU
8
Agora, ensin mirar la fueya anterior, intenta
xuntar caún de los tipos de nubes cola
semeya correspondiente
9
LOS MAPES DEL TIEMPU
Los espertos del tiempu usen mapes pa interpretar y predicir el
tiempu que vamos tener.
Hai cuatro conceptos qu’hemos saber pa entender los mapes del
tiempu.
•
ISOBARA: son llinies que resulten de xuntar los puntos cola mesma presión.
Cuanto más xuntes tean, más vientu hai na zona.
La presión
ye la
fuercia
qu’exerce
l’aire
sobre la
Tierra.
10
•
BORRASCA: ye una zona de presión baxo onde’l vientu xira nel sen contrariu a les
aguyes del reló. Tiende a concentrar humedá y nubes.
•
ANTICICLÓN: ye una zona de presión alto onde’l vientu xira nel sen de les aguyes
del reló. Tiende a espeyar el tiempu.
•
FRENTE: ye la frontera que dixebra una masa d’aire frío d’otra d’aire caliente.
Con too esto, los encargaos de dar el tiempu usen estos símbolos pa cuntanos el tiempu
que vamos tener en cada sitiu:
Espeyao
Poco nuble
Intervalos
nublosos
Nuble
Mui nuble
Intervalos
nublosos con
agua
Nuble con
agua
Mui nuble
con agua
Cubierto
con agua
Agua fuerte
Intervalos
nublosos con
nieve
Nuble con
nieve
Mui nuble
con nieve
Cubierto
con nieve
Cubierto
Llueve
Nieva
Otros
Tormenta
Granizu
Nublina
Borrina
Calisma
¿Alcuérdeste de lo que significa caún de los símbolos? Ensin mirar, intenta poner los
nomes.
1
2
3
4
5
6
11
7
8
9
10
11
12
Llueve
13
14
15
16
17
Nieva
18
19
20
21
22
Otros
Los instrumentos de la meteoroloxía
Pa midir lo que llueve, pa saber qué tiempu vamos tener, pa conocer si ta más frío o más
caliente qu’ayeri… pa too esto y pa muncho más, los profesionales del tiempu usen una
partida d’instrumentos. Vamos ver dalgún de los más conocíos.
Anemómetru-veleta
Val pa midir dos coses: la velocidá del vientu y la
dirección que lleva.
¿Suénate eso de que’l vientu
podría algamar los 100
km/h? Pos eso mídese con
un anemómetru.
¿Y suénate eso de que nun
pueblu recoyéronse 25
llitros/m2. Pos eso mídese
con un pluviómetru.
Pues eso mídese con un
Pues eso mídese con un
12
Pluviómetru
Aparatu que mide la cantidá d’agua que cai.
Termómetru
Aparatu que mide la temperatura d’un oxetu o
sistema.
¿Sabíes qu’hai dos maneres de midir
la temperatura? En graos Celsius o en
graos Fahrenheit. ¿Sabes cómo se
representen? Rabila pela rede y a ver
si alcuentres daqué.
Pues eso mídese con un
Heliógrafu.
Ye un instrumentu que mide la insolación.
Tanque d’evaporación.
Ye un depósitu d’agua que val pa midir el nivel
d’evaporación del agua, que va cambiar según la
humedá, la temperatura, etc.
13
Barómetru.
Val pa midir la presión atmosférico y depués facer los mapes
d’isobares.
Yá yes un/a profesional del tiempu. Agora garra’l to
compañeru/a de mesa y entrúga-y a ver lo que sabe. Tu llees les trés
primeres columnes del cuadru y él/ella tien qu’adivinar lo que significa (tien
que dicir la palabra que ta n’azul).
COLA…
LLETRA
A
COLA…
B
COLA…
C
COLA…
D
COLA…
COLA…
COLA…
E
F
G
COLA…
H
COLA…
I
COLA…
COLA…
COLA…
L
M
N
COLA…
O
COLA…
LLEVA
LA…
COLA…
P
Q
COLA…
COLA…
COLA…
S
T
U
COLA…
COLA…
LLEVA
LA…
V
X
Y
LLEVA
LA…
Z
R
DEFINICIÓN
Precipitación ente’l xarazu y la nieve, formao por xelu
blandio y non compacto.
Situación de bon tiempu nunes feches onde tienen
que se dar condiciones de fríu y mal tiempu, y que
tien una periodicidá –p. ex., el de samartín, en
payares–.
Pasu d’estáu gaseosu a líquidu por una baxada de la
temperatura o un aumentu de la presión.
Aparatu que mide la cantidá de rosada que cayó en
superficies averaes al suelu.
Desapaecer les nubes o la nublina.
Trapu de nieve.
Aire del oeste o noroeste. Apaez vinculao a la entrada
de frentes y mal tiempu.
Aparatu que rexistra los cambeos de la humedá
atmosférico.
Llinia que marca los puntos onde la presión
atmosférico ye constante.
Momentu nel que sal el sol ente les nubes.
Nublina que vien de la mar.
Situación de componente norte, vinculada a fríu y mal
tiempu.
Agua menudo que cai d’estratos o nimbos. La
visibilidá con esta precipitación ye baxa.
Aparatu que mide la cantidá d’agua que cai.
Acción de cayer pedraz, xarazar.
Condensación en forma de gotines d’agua que se
forma en suelu y otros oxetos de la superficie cuando
la temperatura ta perbaxo d’un puntu determináu.
Aire de componente leste.
Aire que vien del monte.
Agua fuerte que cai, de sutrucu, d’una nube
convectiva.
Temporal d’aire y nieve.
Agua n’estáu sólidu.
Arcu formáu por tolos colores del espectru lluminosu
–colorao, naranxa, mariello, verde, azul, añil y morao–
.
Capa de l’atmósfera que ta incluyida na estratosfera y
que s’asitia ente los 15 y los 40 km d’altor. Paez ser
que mengua pola mor de los efectos de la
contaminación procedente de les actividaes humanes.
PALABRA
aguanieve
branín
condensación
drosómetru
escamplar
falopu
gallegu
hidrógrafu
isobara
llugada
mareru
nortiada
orbayu
pluviómetru
pedrasquiar
rosada
solanu
tremontana
umbada
ventisca
xelu
arcu la vieya
ozonosfera
14
¿Nunca te dio por pensar…?
¿Cuánto pesen les nubes?
Una nube de 1 km d’anchu por 1 km d’altu, a unos 2 km de la Tierra pue llegar a pesar un
millón de tonelaes.
Y entós… ¿por qué nun caen?
Pos, anque lo normal ye que les gotes y los cristales que les formen tengan que dir
baxando, les corrientes d’aire que pasen dientro y alredor faen que puedan caltenese.
Si tamos en metá d’un prau y hai tormenta, ¿qué facemos?
Lo primero que tenemos que facer ye abelluganos, pero enxamás debaxo un árbol. Los
árboles, al ser altos y destacar penriba’l terrén, atraen los rayos. Por eso lo meyor ye
quedar sentaos o echaos, a ser posible nuna superficie que tea seca.
¿Cuál ye’l sitiu más secu de la Tierra?
Lo primero que podemos pensar ye nun desiertu. Dizque en Chile hai una zona onde nun
llovió en 400 años: llámase Atacama. Sicasí, en McMurdo, un valle de l’Antártida, hai unes
característiques que faen que cuasimente nun haya precipitaciones.
¿Qué ye un ádene? ¿Por qué se producen?
Un ádene ye un argayu de nieve que se produz nos montes. Cuando cai una nevada
enriba otra, la última pue llegar a esbariar perriba de la primera, provocando los ádenes.
¿Cuála ye la mayor velocidá del vientu que se pudo midir na Tierra?
Nel añu 1996, na isla de Barrow, n’Australia, un ciclón tropical, l’Olivia, rexistró nun
anemómetru la marca de 407.5 km/h.
¿Influye la lluna nel tiempu?
Ye verdá que muncha xente diz que, cuando cambia la lluna, cambia’l tiempu, pero nun
ye verdá. Nun tien nada que ver; pero si tenemos en cuenta que nun añu hai 52 fases de
lluna, dalgún cambeu de lluna podrá coincidir con un cambéu de tiempu.
15
La lliteratura y la meteoroloxía
Ente la lliteratura y los fenómenos meteorolóxicos hai muncha rellación. Has reparar en
tolos cuentos o toles poesíes que falen de lo que llueve, nieva o’l sol que fai nun sitiu
concretu del mundu.
Pa muestra dexamos equí esti poema de Berta Piñán. Hai munchos más: fai llabor de
detective y alcuentra otres histories que falen del tiempu.
A veces llueve y
a veces, non.
A veces canten los sapos y
a veces, non.
Un día tanto y tanto llovió
que l’agua con too arrampló:
cola nevera y les pites,
cola silla de la güela,
cola mesa la cocina,
cola ropa nos armarios,
colos cuadernos d’escuela,
colos tiestos y les rises.
A veces llueve y
a veces, non.
Un día tanto y tanto llovió
que l’agua con too arrampló.
A min préstame que llueva,
a veces sí,
a veces, non.
Berta Piñán, Agua, arroz y maíz, Ed. Pintar Pintar
La meteoroloxía y los estaos d’ánimu
Amás, hai una rellación mui grande ente los estaos d’ánimu de la xente y el tiempu de la
zona onde ta.
El sol ayuda a les persones a ameyorar l’ánimu. Cuando hai sol podemos salir a
la cai, dir al parque o, de parte branu, bañanos na playa. El bon tiempu ye la
cuenta pa compartir con más persones y pasalo perbién.
16
Cuando ta llovedero, metío n’agua, suelen ser díes pa tar en casa,
ensin salir pa nun nos moyar. La temperatura suel ser más baxo y tar
más frío; y por eso paecen díes más atristayaos. Por eso, ta perfecto
pa sentase nun requexu de casa y… ¡lleer el llibru que más te preste!
Agora zarra los güeyos y piensa. Piensa en delles coses que te recuerden un día de sol y
depués un día que llueva.
17
Imáxenes
Agua na ventana. Portada.
Sol. Portada.
Nube. Qué ye la meteoroloxía.
Gota d’agua. Qué ye la meteoroloxía.
Zones climátiques d’España.
Semeya nubes (Páx. 5).
Ciclu del agua.
Planeta Tierra.
Anemómetru.
Pluviómetru.
Termómetru.
Heliógrafu.
Barómetru.
Nubes (Páxina 8).
Fotógrafu: Luana Fischer Ferreira.
Bancu d’imáxenes MEC.
Ilustrador: Félix Vallés Calvo. Bancu
d’imáxenes MEC.
Ilustrador: Félix Vallés Calvo. Bancu
d’imáxenes MEC.
Félix Vallés Calvo. Bancu d’imáxenes
MEC.
José Alberto Bermúdez. Bancu
d’imáxenes MEC.
Maite Ollé Martín. Bancu d’imáxenes
MEC.
Félix Vallés Calvo. Bancu d’imáxenes
MEC.
Ensin autor. Bancu d’imáxenes MEC.
Ensin autor. Bancu d’imáxenes MEC.
Ensin autor. Bancu d’imáxenes MEC.
Ensin autor. Bancu d’imáxenes MEC.
Ensin autor. Bancu d’imáxenes MEC.
Ensin autor. Bancu d’imáxenes MEC.
© AEMET.
Bibliografía.
Brasero, Roberto. 2012. Entender el tiempo. Oberon Práctico, Madrid.
Viñas, Jose Miguel. 2014. Preguntas al aire. Alianza Editorial, Madrid.
Piñán, Berta. 2009. Agua, arroz y maíz. Pintar Pintar, Asturies.
Webgrafía.
http://recursostic.educacion.es
http://www.aemet.es/es/portada
http://www.academiadelallingua.com/termast
18