$$$ di dos parti

$$$ di dos parti
Miembronan di direktiva hopi biaha ta haña ku nan tin derechi di risibí rekompensa, maske ta un
kompensashon di gastu. Kon esei ta bai? Den e kolumna anterior mi a mustra ku no eksistí ningun
opheshon pa duna kompensashon di fakansi i/òf rekompensa di gastu. Un kompensashon manera
esaki ta yama tambe pregunta. Na promé lugá e konsekuensianan riba tereno fiskal i banda di esaki e
montante di e kompensashon di gastu. Na di tres lugá ken ta tuma desishon riba e montante di e
kompensashon ei. Tambe e pregunta ta interesante si pa trabounan adishonal komo miembro di
direktiva bo por risibí pago adishonal i finalmente e pregunta si un persona por ta empleado i
miembro di direktiva alabes di un fundashon. E kolumna aki ta bai tokante e sinku preguntanan aki.
Fiskal ta aseptá solamente kompensashon di gastunan real. Un kompensashon di kilometer di ANG
1,50 pa kilometer no ta real. Un kompensashon di gastu di telefòn di ANG 400,00 tampoko. E ora
ei ta apliká minimal un dedukshon pa uso privá, sinembargo por konsiderá sobrá tambe komo
entrada. E ora ei mester paga impuesto riba entrada. Tin algun fundashon ta duna banda di esaki
rekompensa general, ku ta varia di algun shen florin te algun múltiple di esaki. Pa fiskal e
miembronan di direktiva ta haña tambe kompensashon di pago neto ku a kalkulá komo bruto òf ta
paga nan den neto. Esaki por trese problemanan serio ku Impuesto pa tantu esnan embolbí komo e
fundashon mes. Esaki ta bini entre otro dor ku e prima i gastunan sosial ta dependé tambe di e
entrada total di kada miembro individual di direktiva. Esaki por trese un problema atministrativo
grandi pa e fundashon. Pues ta rekomendabel konsultá adelantá un fiskalista.
Na di dos lugá e montante di rekompensa. Ta bon pa realisá ku nunka ta sufisiente. E akountent ku
ta tesorero den e fundashon tambe, nunka lo por deklará su tarifa pa ora. Bo ta hasi esaki pa un bon
kousa, pa honor, pa eksperensia òf pa kualke otro motibu. Bo no ta hasié pa sèn. E ora ei bo mester
a tuma un trabou normal. P’esei bo mester konsiderá e rekompensa semper komo algu simbóliko.
Na di tres lugá e pregunta ken ta disidí tokante e montante di e kompensashon. En prinsipio e
direktiva di un fundashon tin tur poder. Den statuto mayoria bia no tin nada menshoná di
kompensashon. Tin biaha tin pará ku por duna solamente kompensashon di gastu. Pues e direktiva
mes ta disidí tokante e montante di nan propio kompensashon. Esaki ta un potensial konflikto di
interes. Hopi lihé hendenan di pafó por bisa ku e direktiva ta hasi nan mes riku a kosto di e
medionan di supsidio. Esei apsolutamente no mester ta e kaso, pero bo mester evitá e aparensia ei si.
Esaki por dor di laga hasi un investigashon independiente pa sa kiko ta un kompensashon rasonabel.
Ademas ta wak e montante, entrada i e kantidat di miembronan di personal den e fundashon i tambe
e promedio di uso di tempu di e miembronan di direktiva. Den kaso ku tin un òf mas finansiadó
fiho ta konsehabel konsultá ku nan tambe. Ademas esaki ta hopi mas fásil serka un asosiashon
pasobra en prinsipio serka nan e reunion di miembresia ta tuma desishon tokante e montante di
kompensashon pa e direktiva.
Na di kuater lugá e pregunta si e miembronan di direktiva ku, for di nan profeshonalismo spesífiko
ta ofresé servisio adishonal na e fundashon, por haña rekompensa konforme merkado pa nan
servisio. Esei por enbèrdat. E pregunta ta si esaki ta konsehabel. Ami ta haña ku nò. Si e akountenttesorero traha e relato anual di e fundashon i pa esei e haña banda di e kompensashon komo
miembro di direktiva un kompensashon spesial, ta originá un konflikto di interes. Kiko lo bo tin ku
hasi si tin eror den e relato anual? Esaki ta un eror komo miembro di direktiva (pues di e direktiva
kompletu) òf un eror di esun ku e direktiva a duna enkargo? Meskos ta konta pa un hurista den un
direktiva i pa e lotgiter. Si nan ta hasi trabounan profeshonal pa e fundashon, e ora ei nan mester
1
hasi esaki pòrnada. E ora ei mihó e fundashon kontratá un otro persona. Esei ta mas karu, pero si
bon kla.
Na di sinku lugá e pregunta si un miembro di direktiva di un fundashon por ta un empleado den e
fundashon ei tambe. Esei no ta e kaso. Esaki por originá un konflikto di interes indeseabel. Un
fundashon por tin un direktor si, pero e direktor e ora ei ta un empleado di e fundashon. E direktiva
di e fundashon tin un ròl komo doño di trabou respekto e fundashon. Bo no por ta un doño di
trabou i alabes un empleado. Aparte di esei e direktor por risibí un salario konforme merkado si. E
ora ei bo tin e situashon kaminda e direktor/empleado ta risibí un kompensashon mas haltu ku su
miembronan di direktiva. Den kaso ku, komo miembro di direktiva, bo ta haña esei indeseabel (“e
direktor ta gana mas tantu ku ami, pero ami ta mas profeshonal i ta su doño di trabou tambe”), e ora
ei mihó bo sali for di direktiva. Personanan ku tin un $-señal den nan wowo ta mihó bo no tin nan
den bo direktiva. Pa sèn nan mester buska un trabou ku ta paga nan un salario normal.
2