L`alma de la melodía
Anuncio
EDUCACIÓN SECUNDARIA ALMA DE LA MELODÍA L’alma de la melodía INTRODUCCIÓN L’alma de la melodía nació cola ilusión de ser un musical fechu n’Asturies y por xente asturiano. Agora, depués de conocer l’ésitu dientro y lloñe d’esta tierra, quier dar otru xiru más; quier llegar al orixe de les ilusiones, de la conocencia, a la voz del futuru: a los neños y neñes d’Asturies. La producción d’esti musical quier averar esti espectáculu a les xeneraciones más moces, usando l’asturianu como canal de tresmisión; porque pa llegar a “Money, Money” o “El violinista nel teyáu” pue facese dende’l castellanu, l’inglés, el chinu o l’asturianu. OXETIVOS DIDÁCTICOS • Un averamientu, en llingua asturiana, al xÉneru del musical, ún de los xéneros más populares y esixentes nel mundu artísticu. Los escolinos van conocer la hestoria, el sentíu y la obra de dalgunos de los grandes musicales, disfrutando en directo de les canciones interpretaes polos artistes. • La familiarización del alumnáu con términos y conceptos musicales, aprovechando los nomes de los personaxes, la so misión como vixilantes del templu de la música, y los fechos na vida del protagonista de la obra, y el so facer, de mou interactivu (interlocución ente narrador y alumnos/es) perafitando los valores y la filosofía de la creación musical. • Usar los medios de comunicación social y les tecnoloxíes de la información y la comunicación, pa llograr, interpretar y valorar informaciones y opiniones distintes, y como preséu de meyora del aprendimientu y de les habilidaes sociales. • Esplorar nes posibilidaes espresives orales y escrites de la llingua asturiana pa desenvolver la sensibilidá estética, buscando víes de comunicación creatives nel usu autónomu y personal del llinguaxe. • Apreciar el valor de la llingua asturiana como mediu de comunicación. • Afayar nel llinguaxe un mediu de conocencia del patrimoniu cultural propiu y d’apertura y descubrimientu d’otres realidaes y cultures. • Cavilar sobre los distintos usos sociales de les llingües pa evitar los estereotipos llingüísticos que suponen xuicios de valor y prexuicios clasistes, racistes, sexistes o xenófobos. • Conocer y valorar delles manifestaciones artístiques del patrimoniu cultural propiu y d’otros pueblos, collaborando nel caltenimientu y renovación de les formes d’espresión locales y valorando l’arriquecimientu que supón l’intercambiu con persones de distintes cultures que comparten una mesma rodiada. • Desenvolver una rellación d’auto-confianza cola producción artística personal, respetando les creaciones propies y les de les otres persones y sabiendo recibir y espresar crítiques y opiniones. • Realizar producciones artístiques de forma cooperativa, asumiendo distintes funciones y collaborando na resolución de los problemes que se presenten pa consiguir un productu final satisfactoriu. • Conocer delles de los oficios de los ámbitos artísticos, interesándose poles característiques del trabayu de los y les artistes y disfrutando como públicu na observación de les sos producciones. ETAPA EDUCATIVA Educació'n Primaria: Tercer ciclu (quintu y sestu cursu). Educación Secundaria: Primer y Segundu ciclu (de primer a cuartu cursu d’ESO). MATERIAL DIDÁCTICO PA TRABAYAR NOS CENTROS Propuestes xenerales (EP y ESO) Al rodiu los personaxes. Los personaxes del musical tienen nomes mui rellacionaos col mundu de la música, ¿sabes lo que signifiquen estos nomes? Si nun sabes dalgún pues buscalu na rede. Metrónomu Vivace Ritmu Dacapo Compás Fusa Al rodiu de los musicales. -L’alma de la melodía ye un musical. A lo llargo de la hestoria moderna hai dellos musicales mui conocíos, ¿conoces dalgún? Busca información. -Una de les zones má's importantes del mundu onde podemos ver munchos musicales ye Broadway. ¿Óende ta Broadway? ¿Qué musicales pudimos/podemos ver ellí? ¿Cómo se llama la conocida plaza que xunta a los teatros onde se faen los musicales? -Mira nesti enllaz: http://www.earthcam.com/usa/newyork/timessquare/ -¿Por qué se diz qu’esti sitiu “ye la ciudá qu’enxamás duerme”?. Al rodiu de L’alma de la melodía. ¿Quies saber más sobre los cantares del musical L’alma de la melodía? Estes son les canciones que vas poder escuchar. “Sielles y meses vacíes”, de Los Miserables Los Miserables ye la hestoria d’un home, Jean Valjean, que fuxe de la llei, que non de la xusticia, na Francia post revolucionaria y que’l so destí'n a lo llargo de los años llevarálu a topase col amor y el coraxe d’unos pocos y la miseria de munchos. “Si yo fuera ricu”, de El violinista nel teyáu Ente la so muyer que-y presenta’l divorciu, les deudes que s’amontonen y amenazáu de despidu, Aldo Bonnard ve cómo la so vida va morriendo hasta’l día que gana una fortuna cola llotería. Tando a puntu de da-y la noticia a la so muyer, afaya qu’ésta traiciónalu col so nuevu xefe. Preséntense-y dos soluciones: day la noticia a la so muyer y compartir les ganancies con ella y el so rival o esconder la so fortuna y dar anunciu de la so suerte dempués del divorciu. Finalmente escueye la segunda solución y entama a vivir d’un mou clandestín como un home ricu. “Amé'rica”, de West Side Story Los tiburones, una banda d’inmigrantes de Puertu Ricu, y los Jets, un garrapiellu de tolos estaunidenses blancos, tán engarraos pel llau oeste (de NY). “Nun llores por mi, Arxentina”, d’Evita “Nun llores por mi, Arxentina” ye’l cantar más conocíu del musical Evita, creáu nel añu 1978. Esti tema representa un emotivu discursu d’Evita nel balcón de la Casa Rosada, frente a les mases de descamisaos, en ganando Perón les elecciones presidenciales de 1946 y convertise ella na Primer Dama de l’Arxentina. El cantar tuvo enforma é'8esitu en diversos paí'92ses, gociando de gran popularidá. “Money, Money”, de Cabaré' Ta basada na novela Adiós a Berlín, de Christopher Isherwood. El musical cunta una hestoria real y atemporal sobre amor, avaricia, pasión y espectáculu. Fama El musical de Fama trata sobre la vida de dellos adolescentes nuna escuela bien importante de danza y teatru. Busca más información na rede sobre estes canciones; seguro que más d’una conócesla. Sobre la canción… ¿Qué sabes de…? “Sielles y meses vacíes”, de Los Miserables La Revolución Francesa de 1832 “Si yo fuera ricu”, de El violinista nel teyáu Los términos que tán rellacionaos cola obra orixinal: diáspora, xudaísmu, zares… “Nun llores por mi, Arxentina”, d’Evita Quién yera la muyer que la cantó n’Arxentina nel balcón de la Casa Rosada. ¿Cuándo foi? ¿Qu’acababa de pasar? “América”, de West Side Story Ye una canción qu’empondera les cualidaes d’un país. Busca más canciones que fagan lo mesmo “Money, Money”, de Cabaré Cabaré foi musical primero y depués llevóse al cine. ¿Conoces otros musicales que tamién tuvieren la so versión en cine? Fama Al rodiu de Fama, ficiéronse series de televisión, concursos, etc. Busca dalgunes d’estes producciones que se basaron na hestoria de Fama. - Busca nes hemeroteques de la rede cuándo s’estrenó el musical L’alma de la melodía y los llugares onde se representó. Comenta colos tos compañeros/es les opiniones que topes d’esti musical. - Investiga si se ficieren otros musicales n’Asturies, tanto en llingua asturiana como n’otres llingües. - El violinista nel teyáu cuenta’l conflictu d’un home que ta acabante de ganar un premiu na llotería. Tien dos opciones: cuntalo o nun cuntalo a la muyer que-y ye infiel. Tu escoyeríes la opción de… ¿Dende cuándo esisten los musicales? El teatru musical tien l’orixe nes civilizaciones antigües, qu’incluyeron la música y el baille nes sos comedies y traxedies. Les comedies romanes del sieglu III a. c. incluyeron cantares y rutines de baille con orquestaciones. Más cercano nel tiempu, nos sieglos XII y XIII, enseñóse la lliturxa al traviés de drames relixosos que, dacuando, alternaben diálogos en prosa y canciones llitúrxiques. Yá nel Renacimientu, los musicales incluyeron payasos qu’improvisaben el so arte al traviés d’hestories familiares y, dende ellí, a la ópera buffa. Pasos a siguir pa montar una obra de teatru musical 1. Primer pasu: análisis de la obra musical. -Lo primero que tenemos que facer pa montar un musical ye analizar el testu y realizar una llectura reflexiva de la obra ¿Cómo? -Analizando personaxes, espacios nos que se desendolquen caúna les escenes, la dómina, etc... -Vamos sorrayar les acotaciones (órdenes que nos da l’autor sobre los movimientos y acciones que faen los personaxes), si ye qu’esisten, pa valorar les suxerencies del autor y vamos buscar si hai dellos conflictos teatrales, qué ye lo que van facer caún de los personaxes pa consiguir el so oxetivu, cuál ye l’oxetivu de cada personaxe y estratexes de caún pa consiguilo. 2. Segundu pasu: exercicios en grupu. -Ye bien importante que dientro del grupu d’artistes que tán trabayando nel mesmu montaxe tengan complicidá ente ellos. Pa ello el director/es tienen que trabayar xuegos teatrales al travis d’exercicios, como por exemplu l’exerciciu “acción –reacción”. -Un actor tien que tar siempre sollerte a lo que pasa n’escena y, anque ficiere la mesma escena en venti representaciones, siempre tien que paecer que ye la primer vegada que vive esta situación. -Otra de les coses que tien que tener bien en cuenta son les pauses dramátiques y pauses musicales; estes son les que, dacuando, faen poner al públicu los pelos de punta. Los silencios son, dacuando, tan importantes o más qu’una acción dramática. Cómo prepara cada artista’l so personaxe Lo primero que facemos pa preparar el nuesu personaxe ye analizar cómo ye interiormente. Cómo ta l’estáu del personaxe nes distintes escenes: un personaxe nun pue tar siempre igual mientres tola obra, si non resultaría bien aburrida la so hestoria. Pa trabayar l’estáu hai que pensar nel estáu d’ánimu, cómo se porta col restu de personaxes. Cuál ye l’oxetivu del personaxe en caúna de les escenes y cómo se siente en caún de los espacios. Nun ye lo mesmo qu’un personaxe tea tranquilamente na playa que zarráu nuna celda. Pa que l’actor llegue al públicu tien que tener sentíu de verdá, que sía creíble y el personaxe va tener que portase coherentemente. Too tien que paecer verdá. Si l’actor cree tolo que diz, el públicu tamién va creyer y asina va crear una cierta complicidá ente l’actor y espectador. Personaxes del musical L’alma de la melodía Tenemos dos grupos: los bonos y los malos. Como na vida, nin toos son tan bonos, nin toos son tan malos. Cada personaxe tien el so matiz y los artistes, con ayuda del director escénicu, creen el so personaxe. Pa preparar un personaxe tenemos en cuenta dellos factores: cuál ye’l so “camín” esto ye, cómo se mueve, cómo fala, cómo ye’l so maquillaxe, vestuariu y qué' oxetos lleva. Son perimportantes en cada personaxe los oxetos, que nun puen tar d’adornu; van ser utilizaos nes distintes coreografíes qu’engloba’l musical. La música en L’alma de la melodía. La música va convertise nun mediu privilexáu pa camudar a les persones y tresformar el mundu. La música acompáñanos a lo llargo de la nuesa vida, cántennos cuando nacemos, cántennos cuando morremos, cantamos al amor, al desamor. En definitiva, a la vida mesma.… Nesti musical interpretamos dellos temes que pasen per tou tipu d’estilos (rock and roll, balaes, cabaré, temes corales etc…). Esti musical cuntó con grandes artistes preparaos. Músicos que, amás d’interpretar los cantares, tamién los sintieron; porque un artista que nun sienta lo qu’interpreta sobre l’escenariu nun ye capaz a trespasar la cuarta paré del públicu. Esto algámase con munches hores d’ensayu pa interpretar cada cantar. Coreografíes Un pilar perimportante de los musicales ye, ensin dulda, les coreografíes. En L’alma de la melodía pretendióse romper coles qu’orixinalmente s’estrenen en Broadway pa consiguir definir la verdadera esencia de l’obra dende otru puntu de vista. A xuiciu de la coreógrafa y del equipu creativu del musical, “Lo primero yera tener claro qué quier cuntase y lo segundo, cómo lo vamos facer”. Tou artista ye capaz a interpretar distintes voces, coreografíes pa consiguir un espectáculu onde la música, los cantares y el baille formen parte d’un tou, lo que’l públicu reconoz como un ESPECTÁCULU con lletres mayúscules. Escenografía Al facer una escenografía l’equipu que va trabayar con ella lo primero que tien que facer ye tener plena conocencia de cómo va dirixir el director teatral la obra y yá trabayar sobre ello. Dibuxar la escenografía y facer una maqueta. Los materiales, el color al pie de la lluz son delles coses qu’hai que tener en cuenta. En L’alma de la melodía vimos que’l formatu del que tenía que salir “la teatralidá” tenía qu’inspirase nos elementos d’un conciertu cola banda n’escena, les lluces etc… Vestuariu Pa facer el vestuariu d’una obra musical, hai qu’estudiar la dómina na que se desenvuelve cada escena, qué materiales s’utilizaben entós, la so testura, el color, etc. Ye perimportante que los actores faigan los sos últimos ensayos col vestuariu pa que’l so personaxe siga medrando. Caracterización de personaxes Tanto’l maquillaxe como la peluquería del espectáculu tien un papel mui importante nos musicales. Les lluces faen rellumos na cara y pa que nun produza un mal efectu al espectador, tolos artistes van llevar una base de polvos tresllúcidos sía home o muyer. La edá, el carácter, l’estatus, oficiu de cada personaxe van ser estudiaos pa maquillar y preparar a un artista. Producción El productor/es son les persones que s’encarguen de formar un equipu pa poder llevar alantre un proyectu. Nesti casu ye un equipu que cuntó con seis artistes, un guionista, director teatral y una ayudante, director musical, coreógrafa y un ayudante, técnicos de soníu y de lluz. Agora que yá sabes cómo se faen los musicales, ¿anímeste? Propuestes específicques pa Educación Primaria Garra una canción que te preste y escribi una hestoria dialogada ente los personaxes qu’escueyas. Alcuérdate que’l tema de la canción tien que ser l’argumentu de la hestoria. Cola ayuda del to maestru/a pues interpretala, ¿atréveste? Propuestes específiques pa Educación Secundaria Siguiendo los pasos que se tuvieron en cuenta pa facer L’alma de la melodía, escueyi unes cuantes canciones, del tipu que seyan, y, d’un mou esquemáticu, fai un pequeñu proyectu de cómo sería el musical, ensin escaecer les llabores de producción, caracterización de personaxes, vestuariu, escenografía, coreografíes, personaxes del musical… RESUME DE L’ACTIVIDÁ L’Alma de la Melodía, el show de Mr.Todd ye un espectáculu musical de 60 minutos, qu’axunta n’escena a trés cantantes-actores al llau de Mr. Todd, el narrador y personaxe protagonista de la hestoria. Esti estravagante barberu arrama les sos risonderes alcordances de mocedá y la so pasión polos musicales como filo conductor pa -d’una forma prestosa y con humor- averar los neños a la música, a los conceptos musicales y particularmente el xéneru del musical. DURACIÓN 60 minutos. ESPACIU Espaciu minimu: 6 m (llargu) x 4 m (fondu). REQUERIMIENTOS TÉCNICOS La compañía encárgase de la lluz y el soníu, amás de la esconografía y la producción. FICHA ARTÍSTICA Dirección artística: Etelvino Vázquez Escenografía: Luis Antonio Suárez Dirección musical: Jesús Ángel Aréevalo Coreografía: Estrella García Presentador: Patxi Poncela Los trés actores-cantantes van escoyese d’esti elencu de profesionales según la meyor compatibilidá de feches: Juanra Arnaiz Esclapés, David Argos Monasterio, Ana Morán, Chus González Serrano, Lucía Alonso Pardo, Félix Corcuera Álvarez, David Soto Giganto, Andrea Álvarez Iglesias y Verónica Gutiéerrez.
