El Gobiernu d`Asturies va reforzar l`Ente de Servicios Tributarios pa

Miércoles, 5 d’ochobre del 2016
El Gobiernu d’Asturies va reforzar l’Ente de
Servicios Tributarios pa lluchar contra’l fraude
fiscal
−
L’Executivu aprueba una modificación de la llista de puestos de
trabayu que va facer posible crear un departamentu de xestión
recaudatoria
−
El cambéu llegal va posibilitar tamién l’habilitación de 36 puestos
de trabayu nel ERA y la incorporación de 26 auxiliares a los
centros educativos
−
La dotación nueva va favorecer l’apertura de 80 places
residenciales y va duplicar la ufierta en dos equipamientos: El
Nodo, n’Avilés, y Palaciu de Villar, en Castrillón
−
Autorizaos 393.092 euros pa l’ampliación del IES Montevil, en
Xixón
−
Infraestructures destina 1,4 millones pa meyores nes carreteres
AS-261 y AS-15
El Conseyu de Gobiernu aprobó güei un cambéu de la Rellación de
Puestos de Trabayu (RPT) y el catálogu de personal llaboral de
l’Alministración autonómica que va reforzar al Ente de Servicios Tributarios
pa lluchar contra’l fraude fiscal. El cambéu tamién va dexar habilitar 36
empleos nel organismu Establecimientos Residenciales p’Ancianos (ERA).
Amás, va facer posible la incorporación de 26 auxiliares educadores (hasta
algamar los 137) y dos fisioterapeutes (va haber un total de 25) a los
centros educativos, p’ameyorar l’atención que reciben los alumnos con
necesidaes especiales.
El cambéu de la RPT va dexar empecipiar el procesu de refuerzu del Ente
Públicu de Servicios Tributarios cola creación d’un departamentu de
xestión recaudatoria y una redistribución de los efectivos dientro del área
de recaudación. D’esta manera, va llograse una estructura más racional
que va ayudar a maximizar el control y ameyorar la eficacia y la eficiencia
na llucha contra’l fraude.
1
Amás van crease trés puestos d’interventor cola mira de reforzar les
funciones de fiscalización y control de la Intervención Xeneral del
Principáu.
Al respective del ERA, esta midida va valir pa xenerar empléu y impulsar
l’ampliación de la rede pública d’atención a mayores, porque cola dotación
nueva de personal van poder abrise 80 places residenciales y doblar la
ufierta disponible en dos equipamientos: El Nodo, n’Avilés, y Palaciu de
Villar, en Castrillón, que van pasar a disponer, en dambos casos, de 80
places.
La distribución de puestos de trabayu ye esta:
•
•
•
•
•
14 places pal Centru Polivalente de Recursos (CPR) El Nodo: 13
auxiliares d’enfermería y un diplomáu universitariu n’Enfermería.
14 places pal Centru Polivalente de Recursos (CPR) Palaciu de
Villar: 13 auxiliares d’enfermería y un diplomáu universitariu
n’Enfermería.
Un terapeuta ocupacional pal Centru de Día d’El Cristo, n’Uviéu.
Un terapeuta ocupacional pal Centru de Día Valentín Palacios en
La Pola Siero.
Delles places pa los servicios centrales del ERA: la xefatura de la
sección d’almisiones, cuatro auxiliares alministrativos pal área de
recursos humanos y otru pa la sección d’Ingresos.
Nesta llexislatura, creáronse 325 places residenciales nueves: 172 nes
residencies públiques de Llastres, Riañu, El Nodo (Avilés), Palaciu de Villar
(Castrillón) y Aurora Álvarez (Xixón) y 153 concertaes.
Tocante a los cambeos qu’afecten a la Conseyería d’Educación y Cultura,
el catálogu nuevu de puestos d’auxiliares educadores y fisioterapeutes
supón la creación de más places adaptaes a les necesidaes reales de
cada centru educativu y un cambéu na modalidá de contratación d’estos
profesionales.
El Gobiernu asturianu quier, con esta midida, ameyorar, estender y
consolidar el serviciu educativu que se da al alumnáu de necesidaes
educatives especiales. Tamién varien les fórmules de contratación d’estos
profesionales. Asina, nos últimos años, los auxiliares educadores cuntaben
con un contratu llamáu acúmulu de xeres, pol que cesaben nel so puestu
de trabayu en pasando dos o tres meses, momentu nel que pasaba a
ocupar el puestu otru auxiliar educador. Col cambéu de la RPT, dase más
estabilidá a la plantiya, porque’l mesmu profesional va permanecer nel
centru tol cursu escolar.
393.092 euros pa l’ampliación del institutu Montevil
2
El Gobiernu autorizó la contratación y el gastu correspondiente pa llevar a
cabu les obres d’ampliación del Institutu d’Educación Secundaria (IES)
Montevil, de Xixón, por un importe de 393.092 euros, que se va repartir
n’anualidaes.
Nuna resolución de la Conseyería d’Educación y Cultura del 15 de xunu
pasáu aprobóse’l proyectu técnicu pa llevar a cabu los trabayos
d’ampliación del centru, que tienen un plazu d’execución de siete meses.
Esta actuación va dexar responder al aumentu de población escolar de la
zona. Pa eso, va ampliase la planta baxa del centru educativu con dos
departamentos, una sala de visites y baños adaptaos. Tamién se va
habilitar un almacén pequeñu pa usu del salón d’actos colindante.
L’edificiu va aumentar en dos pisos d’altor, nos que van allugase cuatro
aules nueves, dos en cada pisu, y dos trasteros pequeños. Amás, va
instalase un ascensor.
Máster nuevu n’Inxeniería de Caminos, Canales y Puertos
La Universidá d’Uviéu va cuntar con un máster universitariu nuevu, el
qu’habilita pal exerciciu del oficiu reguláu d’Inxenieru de Caminos, Canales
y Puertos, depués del preste dau güei pol Executivu autonómicu.
El Conseyu de Gobiernu de la Universidá d’Uviéu alcordó en payares del
2014 empezar el procesu pa ufiertar esta titulación. Dende entós, foron
incorporándose les meyores propuestes pola Axencia Nacional
d’Evaluación de la Calidá y Acreitación (ANECA), hasta llograr la so
evaluación favorable.
El Principáu sofitó dende’l principiu la creación d’esti máster y
comprometióse a dotalu de los recursos necesarios, porque la puesta en
marcha d’esti títulu ye clave pal desenvolvimientu del campus de Mieres.
Modificación del Trotu
L’Executivu asturianu dio’l preste al proyectu de llei de quinta modificación
del Testu Refundíu de les disposiciones llegales vixentes en materia
d’Ordenación del Territoriu y Urbanismu (Trotu). El documentu, que consta
d’un únicu artículu pol que se modifiquen dos preceptos del testu refundíu,
va unviase a la Xunta Xeneral del Principáu pa que se tramite pol
procedimientu d’urxencia.
Esti cambéu parcial resulta aconseyable pa incorporar los principios del
Tratáu de la Unión Europea a la llexislación urbanística asturiana,
recoyendo aquellos que foron consagraos pola doctrina del so Tribunal de
3
Xusticia, como son los de llibre competencia, tresparencia, igualdá de tratu
y non discriminación.
El proyectu de llei autoriza a l’Alministración autonómica a adquirir
l’accionariáu priváu de Soxepsa, amás d’afitar la necesidá de promover
que la sociedá urbanística pase a ser de capital público dafechu y cumpla
colos requisitos de los medios propios o, nel casu de qu’esto nun seya
posible nel plazu d’un añu, disolvela. Hasta entós l’actividá de la sociedá
tendrá de quedar ensin más na xestión ordinaria y la comercialización de
los activos qu’anguaño obren nel so poder.
Esti espediente tien el dictame favorable del Conseyu Consultivu, que
considera necesario, por razones de coherencia xurídica y técnica
llexislativa, modificar la llei de creación de Soxepsa, de 1984, eliminando la
posibilidá de que nel so accionariáu participen los particulares.
Meyores en dos carreteres autonómiques
El Principáu va destinar 1.399.724,18 euros a delles obres de meyora nes
carreteres AS-261 y AS-15. En concreto, va financiar con 599.727 euros la
contratación de la renovación del pavimentu en dellos tramos de la vía AS261, Ponte de Los Grazos-San Xuan de Beleño, ente los puntos
quilométricos 6,400 y 18,400. Esta calzada, con un llargor d’unos 18.400
metros, trescurre pel Parque Natural de Ponga, Llugar d’Importancia
Comunitaria (LIC) y Zona d’Especial Protección pa les Aves.
Pela so parte, la renovación del pavimentu na vía AS-15, Corniana-Puertu
de Zarréu, nel tramu que xunta les localidaes de Corniana y Central de La
Barca (Salas y Balmonte), va cuntar con un presupuestu de 799.997 euros
y va correxir los desperfectos d’esti tramu del corredor del Narcea, exa de
comunicación principal ente’l centru de la comunidá y los conceyos del
suroeste.
Lluz verde al Conseyu Asturianu de la Economía Social
L’Executivu aprobó’l decretu que va regular la organización y el
funcionamientu del Conseyu Asturianu de la Economía Social (CAES),
órganu adscritu a la Conseyería d’Empléu, Industria y Turismu, que va
suponer un espaciu d’alcuentru ente l’Alministración autonómica y el
sector.
El CAES va tratar la situación de les empreses d’economía social y va tar
integráu por representantes del Principáu y d’esti colectivu. Ente les sos
funciones figuren la d’asesorar al Gobiernu nel diseñu y execución de
programes de desenvolvimientu y fomentu del cooperativismu y de la
economía social, amás d’ellaborar propuestes y dictámenes rellacionaos
4
col sector, bien por iniciativa propia o a pidimientu de les alministraciones
públiques. Tamién va informar, con calter previu a la so aprobación pol
Conseyu de Gobiernu, sobre los planes y proyectos con incidencia en
materia d’economía social.
Esta iniciativa enmárcase na política de fomentu de la economía social que
desenvuelve la conseyería y complementa otres como’l tique del
afitamientu empresarial, convocatoria qu’anguaño dispón d’un millón
d’euros de presupuestu; la llinia de subvenciones pa la incorporación de
socios, con una partida de 700.000 euros, y les ayudes a les asociaciones
d’economía social, con 50.000.
El Principáu cunta anguaño con 584 cooperatives y sociedaes llaborales
qu’axunten a unos 4.900 trabayadores, según los datos correspondientes
al segundu trimestre del añu. Nel primer semestre del añu, constituyéronse
30 sociedaes llaborales n’Asturies.
Alcuerdu sobre los fondos de la Fundación Juan Muñiz Zapico
La Viceconseyería de Cultura y Deporte va facese cargu del fondu
documental Archivu históricu de CC. OO.-Archivo Fundación Juan Muñiz
Zapico pal so depósitu nel Archivu Históricu d’Asturies. Esti alcuerdu,
recoyíu nun conveniu soscritu con Comisiones Obreres y aprobáu güei pol
Conseyu de Gobiernu, establez la cesión de los fondos pol sindicatu pa
que l’Archivu Históricu los curie, alministre y utilice pa fines d’investigación,
estudiu y espardimientu. L’archivu va facer constar siempre que la titularidá
de los fondos correspuénde-y a la organización sindical.
El conveniu tien un periodu de vixencia mínima de 19 años, prorrogable en
periodos de cinco, y pal so siguimientu créase una comisión integrada por
dos representantes de CC. OO. d’Asturies y dos técnicos designaos pola
Conseyería d’Educación y Cultura.
5