comparecencia xunta xeneral del principáu d`asturies conseyera de

G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
COMPARECENCIA XUNTA XENERAL DEL PRINCIPÁU
D’ASTURIES
CONSEYERA DE FOMENTU, ORDENACIÓN DEL TERRITORIU
Y MEDIU AMBIENTE SOBRE’L PLAN ESTRATÉXICU DE
RESIDUOS
Oviedo, 12 de marzu de 2013
Presidente, señoríes, bones tardes:
Comparezo énte esta comisión, en compañía de la directora xeneral de Sostenibilidá y
Cambéu Climáticu y del xerente del Consorciu pa la Xestión de Residuos Sólidos
n'Asturies (CEOXERSA) pa informa-yos del documentu que pretende ser puntu de
partida pa la ellaboración del Plan Estratéxicu de Residuos del Principáu d'Asturies
(PERPA), un preséu llamáu a ser la fueya de ruta en materia de prevención y xestión
de residuos na nuestra comunidá autónoma nel periodu 2014-2024.
L'amenorgamientu de los residuos y la so xestión responsable ye una de los ocho
metas qu'establez la Estratexa de Desenvolvimientu Sostenible del Principáu
d'Asturies, con horizonte 2030. Esta meta concrétase en trés oxetivos específicos y
quince actuaciones, que son coherentes cola propuesta de Plan de residuos que-yos voi
presentar.
Tener un Plan de residuos n'Asturies pa finales d'esti añu 2013 ye una necesidá
estratéxica, llegal y real.
Necesidá estratéxica por cuanto tenemos de planiar con racionalidá, con visión y
vocación de futuru, considerando les variables técnica, económica y ambiental, de
manera integrada, teniendo en cuenta tol conxuntu d'oxetivos y midíes (iniciatives,
inversiones, reformes) que nos sirvirán pa modernizar la nuestra xestión de residuos.
Los residuos son un recursu: material y enerxéticu, qu'hai qu'aprovechar pa caltener
otros recursos que tán na naturaleza; un recursu amás del que pueden estrayese
ventayes económiques. Esti plan contempla a lo llargo de toles sos llínees d'actuación,
particularmente nel programa horizontal de sensibilización y impulsu, esta llectura
innovadora, yo creo que novedosa, de los residuos como sector d'oportunidaes
empresariales y nichu de creación d'empléu.
Xestionar los residuos de forma responsable puede paecenos a toos más costosu nel
curtiu plazu, pero ye ensin dulda más rentable nel mediu y llargu plazu pa toos
(ciudadanos, conceyos, empreses, comercios…), y tamién acueye un gran potencial
d'aportación a la economía verde, llamada a adquirir una mayor presencia y autoridá
en y tres de la crisis económica actual.
1
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
Convídolos a que llean el documentu dende esa orientación; pensando non solo en
términos de costos, sinón tamién en términos d'oportunidá, pos una bona parte de les
sos llínees d'actuación y de les sos propuestes de trabayu suponen una puerta abierta a
la inversión, desenvolvimientu y xeneración d'empléu: dende la educación ambiental,
a la investigación tecnolóxica o l’ecodiseñu, pasando peles nueves llínees de recoyida
separada de residuos o les nueves plantes que van entrar en funcionamientu.
Qu'Asturies disponga cuanto antes d'un plan de residuos ye una necesidá llegal: la Llei
22/2011, de 28 de xunetu, de residuos y suelos contaminaos (modificada'l 19 d'avientu
de 2012 por llei de midíes urxentes en materia de mediu ambiente), señala que ye
responsabilidá de les comunidaes autónomes la ellaboración de los planes
autonómicos de prevención y xestión de residuos. Tenemos qu'afaenos a la nueva
llexislación estatal en vixencia qu'aplica al ámbitu nacional les esixencies de la
Directiva Europea de Residuos del añu 2008; convirtiendo n'obligatoriu lo qu'antes
yera orientador o recomendáu.
Con esta planificación, Asturies va abordar de forma seria'l cumplimientu de la llei. El
plan de residuos va ser el marcu llegal dientro del cual van tomar forma nueves
inversiones, servicios y infraestructures de xestión de residuos que se tienen que poner
en marcha o ampliar nos próximos años, cola collaboración de tolos axentes implicaos.
Ensin una planificación estratéxica sustanciada nun testu llegal y ensin la so aplicación
real a la xestión de residuos, Asturies taría fuora de la llei, sería a los güeyos de la
Unión Europea y del restu d'España una comunidá non comprometida col mediu
ambiente y penalizada por ello, al nun poder aportar a los mecanismos financieros y a
les subvenciones del próximu periodu de programación qu'empieza l'añu que vien. Los
planes de residuos son una condición “ex ante” p'aportar a estes ayudes.
El Plan ye, de terceres, una necesidá real. Porque apura buscar solución pa la
xestión de les alredor de 600.000 tonelaes de residuos que cada añu van parar al
vertideru central d'Asturies, nel valle de La Zoreda, a un vasu de vertíu que s'escosa,
como ustedes saben, nel 2015 (a lo sumo, nos primeros meses de 2016 pol efectu de la
crisis na xeneración de residuos).
Atender esta triple necesidá, rique abordar un sustancial tresformamientu del
nuestru modelu de xestión de borrafes. En 2020 Asturies va tener qu'amenorgar un
10 %, cuanto menos, los sos residuos con relación a los xeneraos en 2010; va tener que
recoyer xebradamente (preparar pal reciclaxe) siquier el 50 % d'una serie de residuos
que la llei detalla con más claridá que nunca (papel, cartón, envases de plásticu, metal,
madera y biorresiduos, ente más otros); va tener qu'amenorgar drásticamente’l
depósitu de residuos biodegradables nel vertideru; valorizar material y
enerxéticamente tolo posible, y como últimu recursu, va poder recurrir al vertideru.
La llei tamién nos diz, y asina s'aplicaría nel plan, que toos estos oxetivos han
perseguise dientro del marcu que configuren los siguientes principios xenerales:
2
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
9 Sostenibilidá: integrando la perspectiva del beneficiu social, el cuidáu del
mediu ambiente y la crecedera económica.
9 Proximidá y autosuficiencia: los residuos tendrán de xestionase
n'instalaciones próximes al llugar de producción, amenorgando con ello
l'impactu ambiental y económicu del so tresporte; favoreciendo amás la
creación d'una economía local en redol a la recoyida, tresporte, clasificación,
tratamientu… de les refugayes.
9 Responsabilidá del productor: “el que contamina, paga” y, poro, los costos
relativos a la xestión de los residuos van tener que correr a cargu del productor
inicial o del posesor.
9 La eficiencia como premisa. L’asignación de recursos públicos ha tener en
cuenta la midida ponderada de los sos resultaos. Tien que se buscar l'equilibriu
ente'l cuidáu del mediu ambiente y lo que ye económica y técnicamente
vidable y perdurable al mediu plazu. Hai que protexer el mediu ambiente,
evitando soluciones insoportables pa les arques públiques o modelos que
malogren lo invertío hasta'l momentu.
Pal Principáu d'Asturies cumplir la llei nun puede ser una opción más, tien de ser
una obligación, una cuestión de principios. Poro, el modelu vixente, que pivotó
sobre'l vertideru de La Zoreda tien que dar pasu a un nuevu modelu de xestión
de residuos onde un ampliu elencu de soluciones de prevención, separación y
tratamientu combínense sol principiu llegal de la xerarquía de residuos.
Avánzo-yos que va faer falta enforma esfuerzu y responsabilidá compartida,
implicación y aportaciones ciudadanes, de los empresarios, fabricantes y
distribuidores, de los comercios, etcétera.
Collaboración y participación de les instituciones, tamién d'esta Xunta Xeneral del
Principáu. Cuntar coles sos actives y constructives aportaciones al Plan de Residuos
dará-y solidez y va favorecer l'aceptación pola sociedá, a la qu'ustedes representen.
Cuntar cola collaboración y participación de los Conceyos ye tamién una máxima
prioridá.
El Principáu d'Asturies tien que liderar el procesu, pero l'ésitu del mesmu ye
responsabilidá de toos.
Ensin demagoxes, ensin partidismos y con enfotu sinceru de resolver lo que ye
primero de too una necesidá social y ambiental d'Asturies vamos poder sacar alantre'l
meyor Plan de Residuos pa la próxima década na nuesa autonomía.
Defensa formal del plan
El PERPA, nel so documentu inicial, ta compuestu d'un programa de prevención,
dellos de xestión de recursos (tantos como tipos: urbanos —domésticos y
comerciales—, industriales, lodos de depuradora, biorresiduos y otros fluxos con
normativa específica (residuos de construcción y demolición, vehículos fuera d'usu,
3
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
neumáticos fuera d'usu, piles y acumuladores, residuos d'aparatos eléctricos y
electrónicos, residuos sanitarios, residuos agrícoles-ganaderos y pesqueros); y
finalmente, por trés programes horizontales (porque inclúin a diversos actores y a
diverses families de residuos): el de sensibilización ambiental y impulsu del sector
económicu de los residuos; el d'información y control de xeneración y xestión de
residuos; y el d'investigación, desenvolvimientu y innovación.
Cada unu d'estos programes cunta colos sos respectivos oxetivos particulares,
cronogrames, actores implicaos y llínees d'actuación nes que va tener de trabayase pa
llograr el cumplimientu de los oxetivos llegales de prevención y reutilización, recicláu,
valorización material y enerxética y eliminación de los residuos.
La propuesta contempla 28 llínees d'actuación, concretaes en 227 midíes, y fai
una estimación inicial de costos de puesta en marcha d'unos 330 millones d'euros
de los cualos la so inmensa mayoría correspuenden a inversiones
n'infraestructures y instalaciones.
Obres y inversiones previstes. Capacidá de Coxersa p’abordales
En Coxersa van llicitase obres en nuevos equipamientos demientres los próximos
años envaloraes en redol a 320 millones d'euros.
Vamos poder abordar esta intensa actividá de contratación pública d'obres y servicios
que va redundar na xeneración d'actividá empresarial, riqueza y empléu, gracies a que
cuntamos n'Asturies con una entidá pública como COXERSA y la so sociedá
instrumental Coxersa SAU, que tienen la capacidá económica y solvencia financiera
necesaries p’abordalo. Y esto, señores, na dómina de crisis na que vivimos tendría de
ser valoráu, tendría d'arguyecenos, y motivanos p'algamar espacios de cooperación pol
bien de tolos asturianos. Y esto nun ye frutu de la suerte nin de la casualidá. Ye’l
resultáu de trenta años de trabayu conxuntu y de suma d'esfuerzos y recursos de tolos
conceyos asturianos, el Gobiernu del Principáu y el mesmu consorciu.
Coxersa cunta amás con unes instalaciones ampliables, flexibles y integraes, con
disponibilidá de suelu calificáu pa usu industrial, que tienen de ser innegablemente un
pervalible elementu que facilite la xestión del Plan una vegada aprobáu.
El plan na llucha contra'l cambéu climáticu
El documentu preliminar contién tamién una evaluación de la so aportación a la llucha
contra'l cambéu climáticu, considerando pa la midida de les emisiones de gases
d'efectu invernaderu dos premises que yá cunten con trayectoria y respaldu llegal
n'Europa y n'otres Comunidaes Autónomes, pero que tengo de resaltar por ser
novedoses equí n'Asturies, con relación siquier al Plan anterior:
9 La valorización enerxética de residuos xenera una enerxía considerada d'orixe
anovable.
9 La valorización enerxética de biomasa de residuos tien factor d'emisión cero a
la de computar nes emisiones de carbonu.
4
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
Resume de conteníu de plan (Urbanos)
Plan de prevención de residuos
Asturies tendrá de dotase d'un plan de prevención de residuos que tien como principal
oxetivu la mengua d’un 10 % del pesu de los xeneraos en 2020 con relación a la
cantidá de 2010.
Asina lo esixe la llei y asina queremos faelo. Apostando pola I+D+i aplicada al
amenorgamientu del volume y la peligrosidá de los residuos, l’ecodiseñu y l'análisis
del ciclu de vida de los productos y materiales, el consumu responsable, l'apertura de
canales de reutilización y vienta de productos de segunda mano, amenorgar l'espilfarru
de comida per aciu la collaboración colos bancos solidarios, sustituyir les bolses de
plásticu non biodegradable —d'un solu usu—, siguir ampliando l'autoxestión de
residuos; ente otres midíes, nes que de nuevu va ser fundamental la collaboración del
sector empresarial, la universidá y los centros d'investigación científica y técnica, los
conceyos y los mesmos consumidores.
Equí, como n'otros aspectos del plan de residuos va ser esencial el papel exemplar y
motriz que van poder desempeñar toles alministraciones públiques: la contratación
pública considerando aspectos de compra verde (materiales reciclaos, so impactu
ambiental, so envasáu), la implantación de bones práctiques d'amenorgamientu y
reutilización de residuos en tolos edificios públicos (conceyos, conseyeríes, y inclusive
esti parlamentu), etc.
Plan de xestión de residuos domésticos y comerciales
El modelu que se propón llógrase, como ustedes pueden comprobar al repasar l’ISA
tres un profusu y detalláu análisis d'alternatives, onde s'estudiaron distintes
posibilidaes y combinaciones aplicables n'Asturies en términos d'eficiencia ambiental,
económica y técnica.
El modelu tien como oxetivos esenciales pa 2020:
ƒ aumentar la recoyida separada (multiplicala por 2,5) p'algamar en 2020 el
cumplimientu de los oxetivos llegales de preparar pa la reutilización y el
recicláu'l 50 % de los residuos.
ƒ evitar l'incumplimientu del real decretu 1481 con relación a la obligatoriedá
d'amenorgar el depósitu de biorresiduos en vertideru.
ƒ afaer y aprovechar al máximu les instalaciones centralizaes yá esistentes nel
polígonu de Serín, ampliándoles pa llograr implantar procesos nesti momentu
inesistentes.
ƒ y caltener un modelu de xestión de residuos municipales públicu, consorciáu,
con economíes d'escala y complementariedaes que muestren resultaos
altamente positivos.
El vertideru va desapaecer
Si reparen nesi diagrama del modelu A van ver que tamién hai un apartáu pa los lodos
de depuradora y pa los residuos industriales non peligrosos (asimilables a urbanos).
5
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
Esto ye asina porque estos residuos tán llegando dende va años a Coxersa, al vertideru,
y tamién pa ellos hai que tener una solución alternativa énte l'escosamientu del vasu de
vertíu.
El vertideru de La Zoreda recibió en 2011 alredor de 600.000 tonelaes de residuos non
peligrosos. Esta cantidá venía siendo d'unes 680.000 t/añu al entamu de la crisis
económica: percíbese'l descensu de la producción industrial y del consumu de les
families, pero sigue siendo una cantidá bien importante.
En 2020 nin una sola tonelada de residuos va ser unviada directamente al vertideru, ye
más, la opción del vertíu va ser puramente residual: apenes 20.000 tonelaes de refugos
de la planta de reciclaxe d'escories procedentes de la valorización enerxética.
Repercusión sobre la tarifa
Cada asturianu xenera alredor de 1,2 kilogramos de basura entemecida al día, basura
qu'hasta agora diba directamente al vertideru, a razón de 17,21 euros tonelada, esto ye,
a un costu de menos de dos céntimos el kilogramu. A cada asturianu cuésta-y dos
céntimos al día que la basura que nun dixebra permaneza soterrada nel valle de La
Zoreda. Ye'l tratamientu más baratu y rápido, qué dulda cabe, el vertideru. Pero tamién
ye'l menos beneficiosu pal desarrollu sostenible.
Que tolos asturianos paguemos un poco más pa tener un modelu de residuos más
acorde cola llei y más respetuosu col mediu ambiente ye parte d'esi esfuerzu conxuntu
del que-yos vini falando.
Ye ciertu que tolos asturianos tamos acostumaos a pagar bien poco pol tratamientu de
la nuesa basura, una de les tarifes de tratamientu más baxes d'España. La ventaya de la
bona xestión de Coxersa traduzse equí nuna desventaxa, si me lu dexen dicir asina,
nun tamos acostumaos a pagar los 60 euros que paguen los nuestros vecinos de Llión
por un modelu bien similar (vertideru más plantes de tratamientu) o los 90 que paguen
en Cantabria por cuntar yá con una incineradora y plantes de reciclaxe.
Gracies a la xestión mancomunada al traviés de Coxersa del serviciu de tratamientu de
residuos urbanos, y gracies a que cuanto más se dixebra n'orixe, más baratu ye tratar
los residuos (cola cobertoria de costos qu'apurren los fabricantes al traviés de los
respectivos sistemes integraos de xestión); la tasa que los conceyos tendrán de cobrar a
los sos ciudadanos pol tratamientu de la so basura entemecida apenes va aumentar
unos 4,5 euros al mes per cada familia, y va facese de manera progresiva d'equí a
2020.
Son estimaciones, como digo, que se van concretar cuando s'apruebe'l plan de residuos
y s’empecipien los correspondientes estudios económicu-financieros de les nueves
plantes de reciclaxe y valorización que van sustituyir al vertideru.
Aumentar la recoyida separada
6
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
Nos próximos seis años vamos abordar el retu de faer que cada quilu de residuos
xeneráu pase siquier por una planta empobinada a procurar la so reutilización o
reciclaxe.
Pa llogralo, conceyos, Coxersa y Gobiernu del Principáu vamos tener que promover
que tolos asturianos dixebren nes sos cases, centros de trabayu o comercios la mayor
cantidá de residuos posible.
Vamos potenciar estes bones práctiques per aciu una intensa actividá de
comunicación, sensibilización y educación ambiental, cola ampliación y la meyora del
rendimientu de la rede de contenedores de recoyida selectiva, pero tamién, y esto ye
novedosu, per aciu l'apueste por un desenvolvimientu normativu d'ámbitu local.
Pa ello nos próximos meses vamos apurrir una ordenanza tipu a los Conceyos con
cuenta de que puedan afitar sistemes de recoyida separada acordes a les sos
característiques urbanístiques, del texíu productivu y de la so población, col envís de
que se marquen los sos oxetivos y establezan la obligatoriedá de la recoyida separada
de papel, cartón, plásticu, metales y vidriu (especialmente en comerciu detallista,
alimentariu, oficines y despachos), mesmo que la recoyida separada de biorresiduos en
grandes productores y establecimientos alimentarios polo xeneral.
El plan tamién contempla que dende Coxersa va poder premiase con tarifes menores a
los conceyos qu'amuesen el so compromisu col amenorgamientu de la fracción resto.
Biorresiduos
Pensando nel tratamientu de biorresiduos recoyíos xebradamente, ta executándose una
planta de biometanización, que supunxo una inversión de 19 millones d'euros, con
capacidá pa tratar 30.000 tonelaes de residuos orgánicos clasificaos n'orixe. L'oxetivu
ye ampliala progresivamente hasta triplicar la so capacidá pa 2020.
Otres recoyíes separaes
Pa llegar a esi oxetivu del 50 % tamos falando d'establecer en Coxersa una nueva
llínea de recoyida separada, pa la materia orgánico, y tamién d'intensificar l'usu,
ampliar instalaciones esistentes o dotase d'otres nueves:
9 La planta de clasificación de papel y cartón pasaría a tener capacidá pa 40.000
t/añu.
9 La d'envases llixeros diba ampliase hasta 20.000 t/añu.
9 En vidriu queremos llegar hasta les 22.000 tonelaes.
9 La de compostaxe de residuos vexetales municipales crecería pa poder tratar
22.000 t/añu.
9 La rede de puntos llimpios va siguir executándose hasta completar l'oxetivu de
cobertoria de tola comunidá autónoma col serviciu de recoyida gratuita pa
particulares de los residuos especiales del llar, aumentándose con ello'l
reciclaxe de chatarra, maderes, muebles…
7
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
Hasta equí los nuesos ambiciosos oxetivos tocantes a aumentu de la recoyida separada
de biorresiduos, papel, envases, vidriu, madera, chatarres y el restu de fracciones que
van computar reciclables pa llograr, —ente Coxersa y sector priváu qu'opera
n'Asturies en dalgunes d'elles—, l'oxetivu del 50 %.
Clasificación de basura bruta
Pero, vamos dir más allá p'avanzar na valorización material de residuos. va implantase
n'Asturies la clasificación de basura bruta pa la fracción de la ensin escoyer n'orixe
(tou unu o bolsa negra), que, camentamos, va ser d'unes 311.000 tonelaes en 2020.
Nesa planta de clasificación de basura bruta con un presupuestu de llicitación estimáu
de 32 millones d'euros va recuperase esencialmente maderes, metales, plásticos y
papel. Hai que dicir que los materiales recuperaos nun van pasar muncho del 7 % con
relación al fluxu d'entrada.
La planta de clasificación de basura bruta va completase con una planta d'ellaboración
de combustible deriváu de residuos, que tamién va ser llográu del tratamientu de
residuos industriales non peligrosos.
Planta de valorización enerxética
Y la última pieza del nuevu modelu, pa tratar los refugos de too lo anterior, va ser una
planta de valorización enerxética onde los residuos van ser emplegaos como
combustible pa la xeneración d'eletricidá, talo qu’asocede en toa Europa y n'otres
comunidaes autónomes españoles dende va munchos años.
A la incineradora, que tendría capacidá pa 340.000 tonelaes al añu, namái diría lo que
nun se pudo reciclar; y tamién una parte de los lodos de depuradora, los procesaos en
planta d'ensugáu.
Recrecíu del vertideru 2016-2020
Pero hasta qu'esti nuevu conxuntu d'equipamientos entre en funcionamientu en plenu
rendimientu en 2020, Asturies tendrá de faer frente a una situación avanzada yá nestos
últimos años: l'escosamientu de la capacidá de recibir residuos del vertideru central
que dende l'añu 1985 Coxersa esplota nel valle de La Zoreda.
Propónse, pa eses alredor de 600.000 tonelaes que lleguen al añu a esta instalación,
hasta qu'entre en serviciu la valoración enerxética, una solución d'emerxencia: el
recrecíu del vasu de vertíu con técniques d'inxeniería que la alzaren percima de la
cavidá natural del valle.
Solución temporal y d'emerxencia
N'absoluto ye posible plantegase llevala más allá d'esi periodu de transición d'unos
trés-cuatro años que s'envalora nel documentu preliminar del PERPA. Esto diba ser
asitiar a Asturies fuera de les lleis ambientales.
8
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
N'absoluto ye la solución que desearíemos tener en 2016, dende'l puntu de vista
ambiental, llegal, técnicu y económicu.
Pero paeznos que ye lo único que puede faese col tiempu disponible: si aprobemos el
plan a finales d’esti añu, tendríemos apenes un par d'años pa planiar, tramitar
ambientalmente, llicitar y construyir esti recrecíu del depósitu, pa que la basura siga
pudiendo retirase de los contenedores de les cais onde la depositen a diariu los
ciudadanos.
Estudiáronse otres alternatives como la de construyir un vertideru de residuos urbanos
n'otru allugamientu d'Asturies, o como la d'enllenar con residuos urbanos los depósitos
d’inertes y de residuos peligrosos qu'hai en Coxersa. Dambes opciones resultaron
refugaes por resultar claramente más perxudiciales en términos ambientales, sociales,
técnicos y económicos.
La opción del recrecíu del vertideru, magar ser la “menos mala” en términos globales,
hai que reconocer que va suponer elevar y enllargar les molesties (golores, ruíos de
camiones, llegada d'animales oportunistes) que soporten de forma arrogante y nunca
abondo estimada les persones que viven nes poblaciones de la redolada.
Porque los vecinos de Coxersa, lleven trenta años soportando les molesties del
vertideru cola esperanza puesta na so sustitución por tecnoloxíes más eficaces y menos
incómodes.
Procedimientu d'aprobación y participación del PERPA
Esti documentu preliminar del Plan Estratéxicu de Residuos ye, como ustedes saben,
una base pal diálogu y el trabayu. Ta na fase de participación y de consultes. Un total
de 150 entidaes fueron convidaes de forma individualizada a participar, pa llograr
arriquecelo y faer que s'identifique con tolos actores que van tener d'aplicalo de
manera efectiva.
Damos agora un pasu más. Pos primeramente, en septiembre de 2012, empecipióse'l
trámite de consultes previes previstu nel artículu 9 de la Llei 9/2006, dando treslláu del
documentu ambiental inicial a les alministraciones afectaes y al públicu interesáu,
considerando ente ellos a tolos conceyos.
Una vegada redactáu yá'l PERPA y el so Informe de Sostenibilidá Ambiental (ISA),
con un anexu onde se consideren y analicen les propuestes apurríes demientres les
consultes del documentu de referencia, el plan presentóse a los conceyos asturianos, de
primeres, en cuantes que principales protagonistes del procesu d'ellaboración y
posterior desenvolvimientu y aplicación del mesmu'l pasáu 19 de febreru; y darréu, el
27 n'otra xornada técnica celebrada nes instalaciones de Coxersa en Serín.
Queremos facilita-yos el procesu de comprensión y participación na ellaboración del
plan, por eso entá vamos entamar otra xornada técnica más, bien llueu.
9
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
La conseyería ta abierta a recibir toles sos consultes y propuestes, tanto les d'ellos,
como les restantes entidaes y organizaciones consultaes; y, como non, les de tolos
ciudadanos asturianos.
El plan y l'Informe de Sostenibilidá Ambiental tán disponibles en www.asturias.es
(Tablón d'Anuncios) y creemos un mail especial p'atender estes observaciones y
consultes del públicu polo xeneral hasta'l día 19 d'abril.
El siguiente pasu, una vegada concluyida la fase de consultes, va ser ellaborar una
memoria ambiental na que se van analizar ente otres coses el resultáu de les consultes
realizaes y cómo se tomaron en considerancia.
Teniendo en cuenta los siguientes factores: l’ISA, les alegaciones y informes recibíos
y la memoria ambiental, va redactase'l documentu definitivu del Plan Estratéxicu de
Residuos del Principáu d'Asturies 2014-2024.
Cuando la Conseyería de Fomentu, Ordenación del Territoriu y Mediu Ambiente
alcuerde informar favorablemente del PERPA 2014-2024 coles precisiones que
considere y se faiga públicu'l dictame medioambiental favorable de la evaluación
ambiental sobre'l PERPA 2014-2024, va ellaborase’l proyectu de decretu que,
n'incorporando les alegaciones y cambeos del restu de conseyeríes, va aprobase'l
PERPA 2014-2024 finalmente y va publicase nel BOPA.
Necesidá de tener una actitú constructiva, aprobalo y ponese a trabayar
Por que tamos falando nin más nin menos que de cumplir la llei. Pola inmediatez
(porque queda pocu tiempu), pola necesidá y inclusive pola urxencia de delles de les
sos midíes, nun queda más que centrase en participar na ellaboración del plan, ponenos
a trabayar con unidá d'oxetivu: aprobar el plan cuanto antes. Nun tamos nel momentu
de plantegar utopíes inalgamables, nin ocurrencies ensin percorríu, nin podemos
permitimos confrontaciones estériles.
Alderiques constructivos sí, frenos a la renovación nun tendría d'haber nengunu; pos
nos asitiaríen cerca del colapsu real y de la transgresión llegal. Nun podemos, por
responsabilidá política y compromisu social, siguir dilatando esta decisión. Porque
l'aprobación del plan de residuos y la so entrada en vixencia, con ser imprescindible,
ye namái l'empiezu d'una llarga y intensa carrera de retos y torgues escontra'l
llogru de los oxetivos de reciclaxe y minimización del vertíu, d'aplicación ambiciosa
de les 3Rs, col inapellable cronómetru de la llei marcando la intensidá del nuesu ritmu
(el 2020 ta mui cerca) y la obligación del so cumplimientu triándonos los talones.
Ye imposible recuperar tiempos pretéritos, pero sí podemos aprovechar al
máximu los vinientes si mos ponemos toos en disposición de sumar. Sumar nun
implica arrenunciar a defender lo que caúnu cree que ye meyor, nin implica
dexar qu'otru decida. Sumar supón el deséu sinceru de nun paralizar a Asturies,
de dotala d'una solución llegal y vidable y d'actuar en consecuencia.
10
G OBIERNO DEL P RINCIPADO DE A STURIAS
CONSEJERIA DE FOMENTO, ORDENACIÓN DEL
TERRITORIO Y MEDIO AMBIENTE
L'alderique nun ye incineradora sí o incineradora non, l'alderique ye:
¿Queremos una Asturies sostenible con un modelu de xestión de residuos públicu,
eficiente y acorde a les lleis ambientales, esto ye, una Asturies moderna,
comprometida col mediu ambiente y n'Europa?;
¿O queremos una Asturies con un modelu de xestión de residuos próximo al colapsu,
onde se malogre la trayectoria exemplar d'una empresa pública (de tolos asturianos)
como Coxersa; una Asturies al marxe (fuera) del cumplimientu de les lleis ambientales
y de residuos? Esto ye: una Asturies con un modelu de xestión de residuos cuasi
tercermundista.
¡Ésa ye la entruga!
Y la otra entruga importante que-yos pido que se faigan ye: ¿qué faemos pa cumplir la
llei, cómo asignamos y planiamos los recursos que tenemos, hasta ónde va llegar
caúnu nel retu de cumplimientu del Plan de Residuos del que mos dotemos?
Porque eso ye lo que, quien tenemos la responsabilidá de gobernar y d'aprobar el Plan,
plantegemos.
¿Qué idees tenemos pa cumplir les esixencies llegales en materia de reciclaxe? ¿Con
qué recursos (económicos y de tou tipu) cuntamos pa faer frente a les necesaries
inversiones y tresformamientos nos sistemes municipales de recoyida separada de
residuos y nes plantes de reciclaxe de Coxersa? ¿Qué podemos faer ente toos? ¿Cómo
distribuyimos estos recursos y cómo planiamos la so xestión pa llograr los meyores
resultaos nel marxe de tiempu que tenemos?
Trabayemos nesta llínea. Ye tiempu de faer propuestes realistes y reales, ensin perder
de vista l'ambiciosu oxetivu de modernización na xestión de residuos que nos apremia.
Munches gracies.
11