Versión en Embera - Mesa de Conversaciones

ABA DEBENA JARA AWAKOPANUU
CHIBURUBƐƊƐAPƐNADA.
chi char colombiaɗεbεna, (Gobiernode la República
de Colombia) maωɗε moɗεdε bεnarãbara (Fuerzas
Armadas Revolucionarias de Colombia – Ejército del
Pueblo, FARC - EP)
Habanade, jεdako jua aba aba ɛwari ɛ̃ bɛra aba abadaa 2013
(La Habana, 21 de junio de 2013)
Nama Chiburubɛɗɛapɛnada bukobɛɛma abaaɓa
1. Nau ochiabudama
2. Bi-ia Jarabudau chi kaarɛ wau nurέ Chiburubɛɗɛabadaurã
3. Bi-ia Jarabudau chi sãa karii maudɛ jua kaatubɛɗɛa kãridau dɛbɛna chi ruadɛ
nurɛɛbara mau saka jaramaapanuudebena achi kωrωmaa.
3.1.
Chiburubɛɗɛabadaurãra.
3.2.
adaubuɗau chi bɛɗɛarã
3.3.
Saka chi ruadɛbɛnarã akuru nɛburubidayu
3.4.
Saka chi naka Chiburubɛɗɛapɛnada nɛɛbiaday jomaura kωrωmaa.
3.5.
ãbachεkεra dachi ruadɛbɛna ãchi baara ara ambua chiburudamɛrã.
4. Bi-ia Jarabudau chi aba sãa tuakarii chi Chiburubɛɗɛa awakopanudɛbɛna
Chi saka өdoibarí chi rua chiko dεabibaribaεta.
1. Nau ochiabudama
chi char colombiaɗεbεnaba, (gobierno de la república de colombia ) maωɗε moɗεdε
bεnarãbara (Fuerzas armadas revolucionarias de colombia – ejercito del
pueblo,FARC.EP), chiburubɛɗɛa awakopanuudá nɛɛdapɛda ambua nɛwaɛbidayua chi
chiõ awapanɛɛbadaudɛbɛna maudɛ kuris jomãuraɗɛbɛna chi bi-ia kubukau bi-ia
kubudayua maabaɛ ji-pa choroabidayua dachi ruadɛ”chi umada jua aba ombɛadaa
ɛwari ɛbɛra aba jua aba abaɗɛ 2012 (del 26 de agosto de 2012), nakajarasidama:
Umada
jua
aba
omɛɛɗɛ
(7
meses
de
conversaciones)
nau
jua
kaatuu
nɛburupanɛɛsidama. chi naɛdɛɗɛbɛna aba nɛburu awakopanadaɗɛbɛna trῶa pɛnada (
el punto 1 de la Agenda del Acuerdo General )“chi rua aurrɛ bi-ia bɛɛmɛra jõmaura
juadɛ : Rua bia baɛta juakaatu jomãuraba ambua wauday”; maudɛ waara bɛɗɛa
kuapɛnada dɛbɛnasida maudɛ chi abachikɛra ida bɛdɛabibadaurã.Naɛdɛbɛna
jɛdakoradɛ jomãura ia aba panέpɛnadama ,jamadá , chi wau awakopanuu maudɛ ,ji-pa
waaburu chi paginaweb dɛɛba tuabibudabida,chi bupɛnada,chi ara ambua
chibrubadaudɛ chi aba ,õmɛ baara nɛburudayua(puntos 1 y 2 de la Agenda) maudɛ
nɛbidiyuua chi chiburu awakopanuu aba dɛ (el punto 1, establecidos en el Acuerdo
General ), maka jomãuraba jara awakopanudɛba,naabaɛ aurrɛ unubidayuma ,Jabaɛ
bɛɗɛa kopanέsidama chi õmɛ̃ dɛbɛna chiburu awakopanuu (el punto 2 de la Agenda
“Participación Política) “ãbachεkεrara dachiruadεbεnara ida bεɗεabidayuaa
achi
kurisiarãdε”
Jarasidauka chiburupɛnadadɛ jɛdako jua aba ɛwari ɛ̃ bɛ̃ ra jua aba abadɛ (26 de mayo),ia
aba namaudaa chi aba naɛdɛ bεɗεaapɛnadadɛ jãabaɛ nauturu bɛibida, juakaatu
chiburupɛnada
ababɛna
jɛdakorãdɛ
aurrɛ
amiabidaibida
chi
jua
aba
nɛburupɛnaada..Maudέba cha jara awakopanu bεɗεa nau bida “kurisdɛ urukubú aibayu
joma kurisiabudaudaara” makura nama naka jarabuma chi jari joma wau awakopanú,
joma bi-ia waubuɗaudá maudɛ
aurrɛ kobɛrudá chi bɛɗɛa awakopanú bi-ia
chiburudaymadaubida jaa joma ara ambua nububaɛra.
Cha jara awakopanuba iɗu buikuriapanuma chi bεɗεa awakopanudɛbɛna jɛdako
naɛdɛbɛnadɛ,chiburunɛburupɛnada
odoybikuriapanubida chi
mimichia
kurisiasidau,nauba
norɛmadaa
rua aurrɛ bi-ia budayua jõmauraba ambua, chi bεɗεa
nɛwaɛbudaudá.
2. Bi-ia Jarabudau chi kaarɛ wau nurέ Chiburubɛɗɛabadaurã
Nau unubɛna nɛburukopanɛɛsidauɗɛ jua õmɛdaa chiburukaribasidama (10 ciclos de
reuniones). Chi naka waukaridaura ɛwari jua õmɛ aba daa waubadama (cada ciclo tiene
una duración de 11 días).chi naara ba achi kurisɗɛba nɛ joma bididapɛɗa
waukaráabadabida, chi nurɛɛ nɛburupɛnaada jɛdakodɛ aurrɛ utá mãudɛ ɛdaabida wãsí
unubikopanumadaudaa nɛwau bidayua chi chiburubɛdɛasidaudɛ habanadɛ .Ɛwariicha
chi bεɗεa badaurãba chi bidibudau maudɛ chi jara budaudɛbɛna ɛrdaupanuma,
chiburuduanuu isa ɛrdaudayua maudɛ bi-ia chi ɛwariradɛ bεɗεaadayua jɛdakorataɛdɛ.
Chi ukuduanuu bεɗεabadaurã ombɛa nɛwaudayua abaa baa uruduanubida.
Chi chanau aba aurrɛ bεɗεa badaudɛbɛna buru adaunibida jomãura baɛta, naka:
a. Saka bɛɗɛadayu chi ruadɛbɛnarabaara:

Adaudaimadau chi ruadɛbɛna bεɗεabu pɛnada chi burubεɗεa awakopanumaa
dɛadaimadau.

Maka waudaimadau chi ruaradɛbɛna akuru bi-ia chiburudamɛra chi jari wau
awakopanuudɛ.

Saka kira ji-pa odoy chi pagina web madau.
b. saka kirã bi-ia chi bɛɗɛa dɛakuayu.

Chi bu ukuduanuuba, waukuabadaubida chi burubεɗεabadaudɛbɛna maabaɛ chi
akuru bεɗεabadauramaa jibadabida dauchaa bidayua.

Jarakuabadabida chiburubεɗεabadaudɛbɛna, chi bεɗεa odoy badaudɛarɛ.

Kɛrã bi.ia buɛkabadabida chi ochiabadaudɛarɛ bεɗεadamɛra.

Idadarabipanuma chi bεɗεabií chiburuduanu ita ochia badaudɛɛba (medios de
comunicación), mausiɗa aurrɛ chi puurudɛbɛnadɛ maudɛ chi kachiruakɛdɛɛmá,
jõmauramaa nɛɛbidayua.

Newauduanubida saka bi-ia chi bεɗεa chiburuawakopanudɛbɛna.
c. juadɛapɛda bi-ia odoy cha bεɗεa awakopanudɛbɛna.

Bi-ia
nɛkurisiadapɛda,
chi
bidibudau
kurisdɛ
urukubuapɛda
maudɛ
adaikopanuu adaudapɛda chiburubεɗεa awakopanuubɛeta.

Kɛra bi-ia buɛkadapɛda mãudɛ chi nɛkaɛbɛa adaudaikopanuu adaudapɛɗa chi
burubεɗεabudaubaɛta
jõmauraba
.joma
adaudayua
naka
chi
bεɗεa
pɛkurisiadapɛda
awakopanudɛbɛna,
unubibudamadau
chiburubεɗεaduanuudɛbɛna chi nɛwau awakopanuumá .kɛra naa maudɛ isa
bεɗεatadayua joma butabudamadau ababuudá, ara ambua unubudabida chi jari
jua
chokɛkɛa
bukuitaakirurέ
kimarɛέdɛ
mau
maɛ̃ bura
jua
abaarɛ
chiburuduanuu abaa ba baɛta (4 y 5 miembros de cada delegación, chi waaraba
nau joma bu awakopanuubaɛra.
3. Bi-ia Jarabudau chi sãa karii maudɛ jua kaatubɛɗɛa kãridau dɛbɛna chi
ruadɛ nurɛɛbara mau saka jaramaapanuudɛɛbɛna achi kωrωmaa
Cha jua aba aba chaasidaude (el numeral VI)”ka-wa bi-ia dɛayudɛ” ambua
nɛwaɛbidayua chi chiõ awapanɛɛbadaudɛbɛna maudɛ kuris jomauraɗɛbɛna chi bi-ia
kubukau bi-ia kubudayua maabaɛ ji-pa choroabidayua dachi ruadɛ, chi akuru bεɗεa
awakopanura
maudɛ
saka
chi
bεɗεa
odoy
awakopanuurã
chi
achiɗe
akurubεɗεabaadara abaabá duanubida chi char rua chomadɛbɛna mãudɛ chi
modɛdɛbɛnasida (delegados del Gobierno Nacional y de las FARC-EP), achi ara ambua
nɛwaupɛnaadabida cha bεɗεasidaudɛ:
-
Naanubusidamadau jomaura
maa ara ambua unubidayua saa karii
chiburubεɗεa awakopanuu dɛbɛna.
-
Naanubusidamadau jomauraa ba adaudamɛra chi jara budau chiburubεɗεa
awakopanuu dɛbɛna- saka bi-ia kurumaa nɛbidayua.
3.1.
Chiburubɛɗɛabadaurãra.
Ara ambua unubidayua chi saa karii Crhiburubεɗεa awakopanuudɛbɛna,wauday
kurisiasidamadau saa chi ruadɛbɛnamaa unubidayua. Jɛdako jua abadɛ bεɗεa
tasidamamadau mau tãɛdɛ jua omɛ omɛɛda buwautasidabida chiburubεɗεa
awakopanu dɛbɛna (17 comunicados conjuntos).
3.2.
adaubuɗau chi bɛɗɛarã
Chi bɛɗɛa adaubadau dɛbɛna baera chi rua dɛbɛna, unubikuadakare chi bu waupɛnada
naka kuris dɛbɛna
adausidama, maudɛ jɛdako jua aba abadaa 2012 dɛbɛnade
(diciembre de 2012) chi nau tua kobɛdamadau, chi página web chiburupɛnaa dɛbɛna.
www.mesadeconversaciones.com.co.
Chanauba adaudapɛda maudɛ dɛabadama chi bɛɗɛarã chiburu bɛɗɛa awakopanu
dɛbɛna.maudɛ bida chi namarέda ɛ̃ rta adaudaibuma chi joma bukubu dɛbɛna chi
ambua nɛwaɛbidayua chi chiõ awapanɛɛbadaudɛbɛna maudɛ kuris jomauraɗɛbɛna chi
bi-ia kubukau bi-ia kubudayua maabaɛ ji-pa choroabidayua dachi ruaɗe chi waara
bupɛnadasiɗa.
Maũde chi jɛdako abadɛ (enero de 2013) ,chi páginaɗɛ aba nɛkaɛbɛa unidamadau ãchia
ochiadayua chi rua dɛbɛna ka-wa ochiapanuu dɛbɛnaburã.
Chi página webmaa 34.101chi rua dɛbɛnaba ochia badabida, chi mau dɛbɛna 23.878
uraburu ochiapɛnadama. Joma juasisidauɗɛ ,24013 dachi rua colombia dɛbɛna ba
ochiasidabida maũɗɛ ãibɛna rua dɛbɛnabida inaka Estados unidos, España Venezuela,
Canadá, Argentina, Alemania maude Reino Unidoba.jua maucha, chi página web 3.620
bɛɗɛa adaupɛnadabida, maudɛ bɛna 858 kira ji-pa ɛrdausidamadau maũɗɛ chi
bɛɛpɛnada “spam” madaudɛ jaatu bɛɛsidamadau. Chi ruadɛbɛna nɛburu awakopanuu
utaa aurrɛasmadau ɛwariicha 25 bɛɗɛarã.chi “spam” madaudaa buibidaimaaba
nɛkaɛbɛa kubusidamadau ida chi bɛɗɛa ochia bidayua.
Ababɛnaarɛ,
jɛdako
jua
omɛdɛ
2012dɛ
(diciembre
de
2012),
bupɛnaada
ɛrdausidamadau mau 600.000 basmadau. Mau chi dachi puururadɛ chi char abaaba
duanumaa dɛakuapɛnadaadau chi puurudɛ duanuuma bɛɗɛa dapɛda budamɛra chi jari
chiburduanura omɛ jua kaatu nɛkurisiadamɛra.
Jɛdako ombɛadɛ 2013dɛ (marzo de 2013) waupɛnadamadau
budamɛra chi
ruaradɛbɛna bɛɗɛa .maudɛ jɛdako kimarɛdɛ 2013dɛ (abril de 2013) jua auurrɛ
waukadapɛda jikuapɛnadamadau chi dέ waubadaumadau chi trῶ José artí de Cuba, 210
buday ita waukadamadau.
3.3.
Saka chi ruadɛbɛnarã akuru nɛburubidayu
Bɛɗɛa abadɛ chi jua aba abadɛ jua sukubuu VIde chi juakaat chiburuduanuudɛ (el punto
6 del numeral VI del Acuerdo General ) maudɛ chi kawakuriaba ,bi-ia daucháayua
saa nurέ chi ruadɛ nurɛɛ ,chi bɛɗɛa awakopanúraba chi aurrɛ kawa nurɛɛ ruadɛbɛna
arrudapɛda dauchaa bisidama dachi rua , chi bɛɗɛa badauraba maucha kapuriara
arrubudabida chi char (gobierno)maudɛ chi modɛdɛbɛna (FARC-EP) ara ambua nɛburu
awakopanuu dauchaadamɛra. Chi chiburuawaduanú akuru kapuriara aurrɛ kɛrakawa
nurɛɛba rua saka bi-ia odoybaridɛbɛna maũdɛ kaarɛ maɛni dɛbɛna ochiabudabida.
3.4.

Saka chi naka Chiburubɛɗɛapɛnada nɛɛbiaday jomaura kωrωmaa.
Jɛdako ombɛadɛ 2013dɛ (diciembre de 2012) 4000 waupɛnadamadau
budamɛra chi ruaradɛbɛna bɛdɛa.

Cha nau jɛdakodɛ jarakopanέsidabida chi páginadɛ chiburubɛdɛapɛnada chi
bɛdɛabadauradɛ maudɛ ochiabadauradɛ puururadɛbɛra.

Jɛdako abadɛ ɛwari jua aba abadɛ 2013 (11 de enero de 2013)
jarakarasmadau chi chardɛbɛnaba
001 2013dɛ, namarɛɛba chi charna
puurudɛbɛna
maudɛ
puuru
choromadɛbɛnara
iukuasmadau
akuru
chiburudamɛra jua aba (5) chi Saka chi ruadɛbɛnarã akuru nɛburubidayua chi
bukuapɛnadadɛ maa baɛ dɛakuapɛnadadɛ.
Jɛdako abadɛ 2013 (enero

de
2013) urubuikasidabida jomaura char
duanabadamadau puurudɛbɛna maũdɛ puuru choromadɛ bɛnamaa chi
Directiva presidencial madaukawa nurɛadamɛra maudɛ waunurɛdamɛra.
Chi jɛdako jua aba kimarɛd 2012 (Noviembre de 2012 ) dɛaduanasma chi

ambua chiburupɛnada maũdɛ chi ruaradɛbɛnaba akuru chiburudamɛra cha
nama jaraarúdɛ:

Jɛdako jua omɛdɛɛdɛ 2012 (diciembre de 2012) urubuipɛnadamadau
jomaura char duanabadamadaudaa puurudɛbɛna maudɛ puuru choromadɛ
bɛnamaa chanaara: 100 chiburubɛdɛapɛnada,1.000 dɛasidamadau chi Saka
chi ruadɛbɛnarã akuru nɛburubidayua maude jua aba “aficheramadau”
maabuikapɛnadamadau chi chi ruadɛbɛnarã akuru nɛburubidayudɛbɛna.
Aramaka chi puuru bɛɛdamaa bida (chi 1.000 puurura) correomadauraarɛ 4-

72 maara puururamá dɛakuapɛnadamadau, 2.500 chiburupɛnaada, 500
bupɛnaada maũdɛ jua aba aficheramadau”

Jɛdako jua aba omɛɛdɛ ɛwari jua aba omɛdaa (12 de diciembre ) chi ɛ̃ bɛ̃ ra
aba jua omɛ abadaa 2012dɛ ( 31 de diciembre de 2012) , jara kuasidamau
chi periodiko abadaudɛ dachi ruadɛbɛnadɛɛba chiburukuapɛnadadɛbɛda
mabaɛ pagina
dɛɛbida ochia kuabada awakopanumadau.mau joma
unusidaadau 52 mediosdɛɛba bukubɛmadau.

Ara jautadɛbida, bɛdɛatasidabida bɛdɛabadaudɛ chiburu awakopanuba jara
awakopanuka ɛwari ɛ̃ bɛ̃ ra jua aba abadɛ (3 semanas) chi emisorarade dachi
ruadɛbɛnadɛ.maujoma emisora omɛarɛbasmadau (2) mau chi beɗɛa
urubuika awakopanada ɛ̃ bɛ̃ ra aba jua omɛ basmadau (30).

Makabida jara sidamadau ɛwari ɛ̃ bɛ̃ ra aba jua aba ombɛadaa (4 semanas)
joma chi puururadɛ dachi ruadɛbɛnadɛ chi emisorarãdɛɛba puuru
choromadɛbida.mau joma bɛɗɛasidau 978 emisoraradɛ basmadau maaraba
ochia sidaudɛ kaatu adaudapɛda 63.840 bɛɗɛapɛnada dɛasmadau.

Naudá kububida maucha kurisiadɛ urukopanuu bɛɗɛa daibaɛta mau ochia
badudɛba jaraochiabibudabida (televison) jɛdako jua aba abadɛ maũɗɛ
jɛdako jua aba omɛdɛ (los meses de junio y julio), mau joma chi emisoraradɛ.

Jɛdako ombɛade maũɗɛ jɛdako kimarɛdɛ 2013 (meses de marzo y abril de
2013)
wausidamadau
chi
jara
buika
awakopanuu
chiburu
awakopanudɛbɛna: nɛɛbú awakopanuu ochiadapɛda kawau damɛra chi
ruadɛ nurɛɛbaɛta maũdɛ newaupɛnada ochiadamɛra televison dɛ.
3.5.
ãbachεkεra dachi ruadɛbɛna ãchi baara ara ambua chiburudamɛrã.
Chi waukaridau Saka chi ruadɛbɛnarã akuru nɛburubidayu dɛbɛna chi kurisdɛbɛna
adaudapɛda
chiburubɛdɛa
awakopanuu,
makasma
“
dɛabudaubida
chiburu
awakopanuu aba maucharamaa achisida jua kaatu bɛɗɛadamɛra”,chiburuduanuba chi
achi
abadɛbɛna
achi
kakua
bɛɗɛa
damɛra
foros
nacionales
madauudá
urubuikabudamadau chijomaura rua choroma dεbεna ara ambua chiburubadaurã
colombiadε bεna (Oficina de la Organización de Naciones Unidas en Colombia) maũdɛ
jari kurisia bi.iani badamεra jaranurεabadaura (Centro de Pensamiento para la Paz de
la Universidad Nacional) maũdɛ chi saka odoimaa duanu ochiabadauraba.
Chi aba
bɛɗɛapɛnadadɛbɛna saka odoybarí chi rua chiko dεabibaribaεtadεbεna
(Desarrollo agrario integral) (chi rua bi.ia baɛtaburu (enfoque territorial),
waukapɛnada ɛwari ombɛadɛ (3) 17,18 maudɛ 19 jedako jua omɛ omɛɛdɛ
2012(diciembre 2012), chi chiburubɛɗɛa awakopanuba bidisidabaɛra,chi achia
jarapɛnadadɛ jɛdako jua omɛ aba ɛwari ɛ̃ berã aba jua abadɛ 2012 (25 de noviembre de
2012)achi waya bidisidamadau chiburudayua jomaura ara ambua .
chi ɛ̃ berã bɛɗɛapɛnaadadɛbɛna Saka chi ruadɛbɛnarã akuru nɛburubidayua 1.314
ruara dɛbɛna 522 ara ambua duana badaudɛbɛna chi ruarã 32 madau dachi rua
choromadɛbɛna , nɛɛsidamadau ababá dɛbɛna kapuriara rua barakirurɛɛdɛbɛna
,gremioramadau,nɛ
aurrɛ
baranurɛrã
,nɛornaradɛ,ɛ̃ bɛ̃ rarãdɛ,wɛrarãdɛ,
kayapɛnadadɛbɛna ,jomaura bi-ia nurɛadamɛra maudɛ ãibɛnara ruaradɛbɛnasida
(411) bɛɗɛasidamadau.
Ɛvari omɛdɛ (2) naudɛbɛna wãukarĩbasidaudɛ 21chiburupanɛsidamadau maara chi
jari kɛra-jipa bɛɗɛanurέraba dɛasidamadau ahí bɛɗɛara chi jua aba abadɛbɛna bɛɗɛa
kopanudɛbɛna, naa chi wau awakopanuuraba jua kaatu maudɛ bi-ia ɛrdaupɛnadabida
jua omɛdɛ (10). Ɛwari ombɛadɛ joma unubisidamadau 546 da chiburupɛnada.
chi omɛ bɛɗɛa pɛnadadɛbɛna Saka chi ruadɛbɛnarã akuru nɛburubidayua
,waupɛnadamadau jɛdako kimarɛ ɛwarira 28,29 maũdɛ 30 de 2013 (abril de 2013
)chiburupɛnadaba bidipɛnadabaɛra,jara pɛnadaka chiburu bɛɗɛa pɛnadadɛbɛna jua
omɛ omɛɛdɛ,chi maũɗɛ makaabuma “ chi akuru bɛɗɛaduanuba bidisidabida jomaura
ruachoromadεbεna ara abua chiburubadaura colombiadεbεnamá (Oficina de la
Organización de Naciones Unidas en Colombia) maudε jari kurisia bi.ia nibadamεra
jaranurεabadaumá (Centro de Pensamiento para la Paz de la Universidad Nacional)
maucha dɛbɛna bɛɗɛakopanɛɛdamɛra nau dɛbɛna chi
nurɛadamɛra chi charba saa odoinii dachi rua “.
ruadεbεnaraba kawa
Chi chiburuduanuu waupɛnadamadau ɛwari ombɛadɛ bogotámadaudɛ maũdɛ 1600
abachikɛraba duanasmadau ,maara chi 32 rachikɛradɛbɛna basmadau .chi 70% chi
ruachikɛrara dachi ruadɛbɛnamadau , chi 30 % puuru choroma bogatámadaudɛbɛna
madau .chi aurrɛ bɛɗɛabadau mau dɛ ji-pa unubinurέ naka duanumadau : 154 abana
partido político dɛbɛna,166 movimientos políticos 143 organización campesina madau
maũdɛ 139 wɛraradɛ .maudaa bida movimiento social ,políticora,; partidos políticos
maũɗɛ
sector
empresarialmadau;
chi
ara
ambua
chiburubadaura
kapuma
ruabarakirurera, ɛ̃ berarã, nɛorna, dachi karɛbabadaura ; kayapɛnada chioduanuudɛba
; kuurrara,LGBTI jaraibura chi dachi ruadɛ nɛjoma chiburuduanabadaura kɛra bi-ia
baɛta chi ruadɛ aribia duanuma ,chi cha jarasidau Chi naka chiburuawakaponuudɛ
bɛɗɛa sidabida.
Ɛwari abadɛ wausidamadau kimarɛda: chi aba partido politicoarɛ personería jurídica
baara ,movimiento políticos maũdɛ socialmadau chi ruadɛbɛna , chi omɛdɛbɛna rua
aidɛbɛna saa waubadau achi ruadɛ modɛbɛnabara bɛɗɛabadaudɛ achi bara saka
chiburubibadau ,chi kawa ãrɛanurɛɛ salvador ,filipinas ,uruguay maũdɛ Sudáfrica.
Chi ombɛadɛbɛna (3) wausidaudɛ chi jari aurrɛ kawanurɛbara waupɛnadabida mau chi
kimarɛra dɛbɛna chi jari medio de comunicación baara. Ɛwari omɛdɛ (2) chiburu bɛɗɛa
awakopanuu ɛ̃ berã aba (20) wausidamadau. Ɛwari ombɛadɛ (3) wausidamadau
chiburu bɛɗɛa awakopanuu jua aba
maubada kimarɛɛda (4) unubidapɛda
kubusidamadau.
Nausida ɛda jaraibubida chi aba naa bɛɗɛa penadadɛ jarapɛnadamadau akuru
waudayua chi bɛɗɛa ra jua aba premios nobel de paz madaudɛdɛabiyua: Adolfo
PerezEsquivel, Argentina dɛbɛna; chi obispo Desmond Tutu, Sudáfrica dɛbɛna; chil ex
presidente de Costa Rica dɛbɛna, Óscar Arias; chi char wɛ̃ ra Liberia dɛbɛna, Ellen
Johnson Sirleaf; y Rigoberta Menchú, Guatemala dɛbɛna. Jara baarabida chi
ex
secretario general de Naciones Unidas madau , Kofi Annan; chi char Uruguay dɛbɛna,
José Mujica, maũdɛ Louise Arbour, ex Alta Comisionada de Derechos Humanos de
Naciones Unidas madau maũdɛ naudɛbɛna char wɛ̃ ra rua ãibɛna Crisis Group.
Makakubudɛ chi bɛɗɛakopanuu “ saka odoybarí chirua chiko dεabibaribaεtadεbεna
(Desarrollo agrario integral ) (chi rua bi.ia baɛtaburu(enfoque territorial) )” maudɛ “chi
rua dεbεnaraba kawa nurɛadamɛra chi charba saa odoinii dachi rua” bi-ia arɛa
chiburupɛnadamau miõ damɛa bɛɗɛadapɛda kawa urisidamadau .Nauturumaɛbida chi
cha wauawakopanuuba nau bia daa buiy awakopanuu ,nau adu chanauba chi abarikau
mau ãibɛna ruaramaa daucháa bia awakopanubida dachi rua bi-ia uñababidayua.
4. Bi-ia Jarabudau chi aba sãa tuakarii chi Chiburubɛɗɛa awakopanudɛbɛna
chi saka өdoibarí chi rua chiko dεabibaribaεta.
Chi Char dachi rua choromadɛbɛna maũdɛ chi modɛbɛnabara (El Gobierno Nacional y
las FARC-EP) jɛdako aribiaradɛ bɛɗɛakaridautaɛde achi chiya dauchaasidama jari
chiburu awakopanuudebɛna
Chi aba bɛɗɛapɛnadadɛ maka jarapɛnadaka jɛdako jua abadɛ ɛwari ɛ̃ bɛ̃ ra jua aba
abadɛ(26
de
mayo) ,ara ambua panɛsidama chi aba bɛɗɛapɛnadadɛ
ambua
nɛwaɛbidayua chi chiõ awapanɛɛbadaudɛbɛna maudɛ kuris jomauraɗɛbɛna chi bi-ia
kubukau bi-ia kubudayua maabaɛ ji-pa choroabidayua dachi ruadɛ , kurisdɛbɛna
adaudapɛda makaa waya truaa sidama “chi rua aurrɛ bi-ia bɛɛmɛra jõmaura juadɛ :
Rua bia baɛta juakaatu jomauraba ambua waudayua”.
Chi Rua bia baɛta juakaatu jomauraba ambua waudayua (La Reforma Rural Integral
(RRI))cha nauba chi ruara kawa bi.ia kaya damea kurisiapanuma dachi warrara dawara
panɛdakarɛ kera jua duanadamɛra maudɛba ambua nɛwaɛbidayua chi chiõ
awapanɛɛbadaudɛbɛna maudɛ kuris jomauraɗɛbɛna
chi bi-ia kubukau bi-ia
kubudayua maabaɛ ji-pa choroabidayua dachi ruadɛ.
Chi RRI kurisbia bubida jomaura bi.ia duanɛɛdamɛra mausida aurrɛ chi kapuria
ruachɛkɛra
baranurɛɛbaɛta,ɛ̃ bɛ̃ rarabaɛta,nɛornabaɛta
jaraibura
chi
jomaura
ruadɛbɛna baɛta ara ambua uanurɛadamɛra ,jarba waubidakaraa maũdɛ chi abachikɛra
akuiru ara jaka chiburudamɛra chi charr nabara .
Chi ia aba bɛɛdadɛ makabu apanuma chi ruaradɛ bi-ia dɛamɛra chi ãbachikara dauchia
duanadamɛra naaradɛ dɛɛcha, araambua rua pɛadayua, chiko kawa nɛuudaɛra, chi rua
miadaa buidaimaaba, arimarachɛkɛra aribia uanibadamɛra chi rua mausmaɛ ni
babiaimaaba .chi RRI naa tuarubida chi jara awaopanudɛ.
Chi kurisdɛ naa awa urukopanubida naa panuma chi achia aurrɛ kɛra ochɛabudamadau
chi rua maɛkirurέ, rua atua maɛkirurɛsida maũdɛ chi aurrɛ chuburikirurɛra nɛwãɛba
maũdɛ
jari
chi
kaya
kuapɛnada
chi
modɛdɛbɛnaba
maudɛ
chi
puuru
dɛbɛnachiopanuumisa, achi rua baridɛadaibaɛta juru awakopanubida .Nauba achi
ruara achidɛ babiyua mau joaura maa kiraji.pa dɛdɛkadayua.
Chi fondo madauba adaukuaruadau ruara jari kɛrajipa adaudaibada nɛchiruapɛnadaka
duanada maaraturu chi ruama aɛ kirurɛɛa dɛakuarubida kira ji-pa arɛa mau warɛ chi
rua bari dɛdɛkapɛnadasida maudɛ bi.ia ponadakaurasida, chi iujara miadaa
uanurɛadabadarasida adau kuadapɛda dɛdɛkabudabida.
Chi burukuapɛnadaba kurisdɛ uru kopanuma chi cha rua dɛakuabudauba joma bi-ia
duanaibai ,maɛ aba mauturu kurisiadamɛma ,ãchia chi kɛra bi-ia bɛɛbikuriapanubida
rua chiko dɛabidai ita , chi nɛjar namaɛdeba dɛabidai ita , achi oo ruadɛbɛna dauchi
bubidayua , kakua bia nibabidayua , kawakuanibadamɛra, bania bia uni badamɛra dɛɛra
unibadamɛra , maũdɛ nɛ uukuapɛnada nɛdobuikadapɛda chiko ataudamɛra.
Chi ruara dɛdɛkadai amaapanudɛ, chi ia aba jarasidauka chi rua achiaradɛ babidayua
kɛra bi.ia ɛda panɛɛdamɛra chi ruadɛ maudɛba chi jaaraba jau joma kawa
ochiabudabida maũdɛ akuru karɛbabudama chi charba bubarii bɛdɛabaraa.
Cha jara kopanuu dɛbɛna aurrɛ dɛakuabudaumadau chirua ma-aɛ nurέramaa maudɛ
rua biduikaburu unurɛramaa, maũdɛ wɛ̃ rara du aba nurέmaa maudɛ ruadebena
duabuikapenadaramá nejarbara dea kuabudamadau (subsidio integral y crédito
especial madau)
Cha nauba chi bɛɗɛa awakopanudɛbɛna bi.ia jua dɛadayua, chi char akuru
bɛɗɛabadauraba kɛra bi.ia bukububudabida chi bubadaudɛ.mausida chi poyaa
bɛɗɛadakauramaa makaburu karɛbabudabida.
Chi charba makaa awakubua chi ruadɛbɛna joma dauchaa kuarumadau kai rua bara
nurɛɛ kawa yua, kera bi-ia kurisiayua chi ruara dɛakuainaidɛ mausida bi.ia chi iujara
ochia nurɛɛbura.
Chi chanau joma jarai ita dɛakuabudamadau nɛkurisia bi-ia chi saka dɛaday maudɛ
jibudaudɛbɛna chi ruadɛ nii kakua maũdɛba kawa ochia budama chi ruadɛ saabe iuja
uanurɛra.
Mausida chi rua bi-ia ochiadamɛra, chi char ba jaradɛakuarubida chi achi akuru
bɛdɛabadaura uru buikapɛda mauba jomauraba saa urukaribadayu jara dɛa
kuarumadau achi kɛra bi-ia nurɛadamɛra maũdɛ aramaka akuru achi kakua
bɛɗɛanurɛadamɛra.
Miõpanadaimaaba chi rua kakua chi charba kɛra
bi-ia bɛɗɛa panɛɛdayua bɛɗɛa
bɛimadau.
Kurisiaduanuma chi warrara kaadɛ nɛɛkuuamáduanuu maudɛ achi baɛta chi rua kɛra
bi-ia buikadayua maubaɛta chi rua bi.ia duanay, akuru karɛbaday chi modɛrã, bania,
modɛrã chiko baɛta buru, modɛ baa buimɛa.
Chiburupɛnadaraba ara kawa kopanuma chi kapuriara ruachɛkɛradɛ achi dau maa
zona dɛ reserva madau .mau achia mamabɛna chi nɛjar dɛabiyua mau chiko aurrɛ
dɛabiyua akuru kɛra jua dɛadaimadau maaradɛburu chi ruadɛ nurɛɛ jarbasmaɛ
nurɛmadaudɛba.
Chi RRI nɛkaɛbɛara dɛakuarumadau achi Kurisdɛ urukopanuu madau ruaracha ,maudɛ
ambua wadoa buidaimadau nɛwaεnurεada uanibabidayua ita maudɛ chi ara ambua jipa cháadɛada kaura ,chaadɛa kawadamɛra chi dachi niimá.bi-ibayua ita, dεεra ita
,chokεkεa bidayua nε waudamεra chi Rua dε maudε chi nεjar jomauraba bi-ia ambua
jurudamεra,ne uu pɛnada nɛdobuy kawadamɛra .
Dɛɛ waubadaudɛ naukurisdɛ bɛɛsidamadau: a) o moodɛbɛna waubudabida, chi ruadɛ
nurɛɛra tua damɛra bi-ia puururadaa b) chi ruuaradɛ energía madau maudɛ internet
madau buɛkabudabida) amia budabida maudɛ waya adau budabida jari chi iuja baniaba
birunubuabarii mau kawa ochia budabida waya chiko uudayua.Nau joma
kurisiaduanuu chi ruara dɛbɛna bɛɗɛabida akuru waudaibida mau kawa ochia
madaibida.
Mau baara, chi kurisiadɛ urukopanuuba dɛadaimadau bienes y servivios social madau
jurudaimadau ɛdaa buidayua chi poyaa dakau chi puurudebɛnadɛ maũdɛ chi
ruaradɛbɛnadɛ .mauba utaa buru chi poyaibuu waribidayua .chi ɛdaa buidayua chi
nɛwaεnurεada uanibabidayua ita maudɛ chi ara ambua ji-pa cháadɛada kaura, chaadɛa
kawadamɛra chi dachi niimá chi RRI de, chi puuru dɛbɛna maũdɛ chi ruara dɛbɛna biia uñabadamɛra kawa waudaimadau.
Kakua bi-ia nibayua ita, kurisiasidamadau saa waudayu, achii nurɛɛdɛbɛnaka,chi rua
kaitamɛnurera ita karɛbadayua achi maa maudamɛra .achi ruadaa chi dɛɛ ochia badau
waukuabudamɛka .
Bi-ia kawanibayua ita, naa ochia budamadau wãwãra bitɛdɛ urupanuudɛdɛ
waribudaudaa, amia budama chi nɛkawakuabadaudɛ nɛwaɛbidayua chi kawadakaura
.maudɛ chi kuurrara kakua bida achi chokɛkɛa kawabidayua dauchia ãrɛa. Achia chi
nɛkawabiabudau naaramadau tecnicamadaude, tecnologiarade, superior pertinentedɛ
maũdɛ achi ruabaɛta aurrɛ nɛkaawadayua.
Dεεra
waudakabudau
ita,
bania
maũdɛ
bania
jayoa
buikadai
ita
kɛra
kachiruabidaimaaba mauba chi ruara dɛbɛna dɛɛ bi-ia barakirurɛadamɛra kɛra jua
ãrɛa.chanau dɛabidaɛbaɛta chi jomaura ka-wa akuru ochiadapɛda chiburudaimadau.
Chokεkεa bidayua nε waudamεra chi Rua dε maudε chi nεjar jomauraba bi-ia ambua
jurudamεra, kurisiasidabida, naa kawa jara ochiadai chi saa waudaibuu chi chiko
maudɛ chi nɛjar dɛɛdɛbɛna kawa bi-ia duanadamɛra.
Chi omɛɛdɛbɛnadɛ, kurisdɛbɛna adausidamadau plan dɛ asistencia integral madau
maũdɛ tecnológica adau maũdɛ investigación madau, mau chi rua kawa ochiadayua
kãarɛ dɛaibuu chi iujaba, karɛ nɛtaa uudaibu, maudɛ achia chi taa chɛkɛra waya joma
kotabidamɛa achia adaudapɛda ukawadayua chi achi kɛra bi.ia nurɛadamɛra.
Chi ombɛadɛ, akuru juadɛabudamadau chi nɛjar dɛabidayua maũdɛ chiko dɛabidayua
chi ruarãdɛ. Maaramaa Línea de crédito madau chequera de garantíasida, mau
recursora semillasida maũdɛ cosecharabaeta seguru dɛakuabudabida.
Kimarɛɛdɛ, kurisdɛbɛna adausidamadau chi nɛɛtara saa nɛdobuidyua chi nɛjar dɛɛcha
nɛɛdamɛra. Nauba chi chiburuduanuba akuru hi nɛɛtara saa nedubiu, kairamaa maka
jurudɛabudamadau chi ruaradɛbɛnaturu.
Chiburubɛdɛasidaudaa, choroabidayua chi karɛbabudau awakopanuu chi ruaradɛ
maudɛ makaa awakopanuma achia rua pɛadayua dɛabudabida, chi nɛwaubadau rua
maaramaa kawakurisiabudabida ruadɛbɛna.
Mauba chi nɛwaukuabadau kawa chiburubidayua maũdɛ achi du-aba chiko iujarɛba
adaudamɛra achia kaiba aurrɛ waukanii ochia budabida.
Chi RRI, chiko bi.ia dɛbɛna bɛɗɛarua, achia jomaurabaɛta bi-ia dɛabikuriabubida
jomaura kɛrachokɛkɛa waukuadamɛra achi nɛkurisiadɛ chi rua maũdɛba achia
naudebena erduabudabida chi buruawakopanuude
Maucha waubudabida bi.ia jaradɛabadaramadau, inaka jari chiko dɛbɛna jarabadaura
ka bi.ia odoydamɛra jomaura maa.
Ara kawakopanuma chi jari ma maɛkirurέ dɛbɛna aurrɛ chi wãwarã, wɛ̃ rara bitedɛ
warbarakirurɛra maũdɛ chorara maũdɛ chi waarasuuda maudɛba programara madau
achi baɛta nɛɛkuabudabida.
Waya kurisdɛbɛna ɛrdausidamadau jaraday chi saka chiko bia baɛta kakua kɛra bi-ia
nibadamɛra adauday chi ruan nɛ uubudauba.
Chi RRI joma rua de nurɛɛ ochia nurɛmadau mau aurrɛ chi ochiadakauraturu, miõ
arɛanurɛɛ rua raturu, maũdɛ jari sirua kachiruanii uubadaura mau uubidaimaaba
.maudɛba cha chiburubɛdɛapanɛsidaumaa achi jomaura pɛadaubudabida.
Cha wau awakopanutaɛdɛ ochia budabida chi kaarɛ maɛkirurέ chi ruachikɛradɛbɛna
mauũdɛ saa buru kurisiapanuudɛbɛna maũdɛ kɛ̃ ra chokɛkɛa bibudabida akuru
chiburudamɛra.
Chi RRI ba kurisdɛbɛna adaupɛda chi ө daa bi.ia nɛɛbiyumadau aurrɛ jara awakopanuka
chi aurrɛ chuburi kirurɛɛma. Chi modɛdɛbɛnabida akuru makasidabida chi rua aurrɛ
bi-ia budayua jõmauraba ambua ochia dai achi bi-ia nurɛadamɛra.
Namaa nɛɛsidama aba chiburu awakopunuuda, chi bɛɗɛa abaaba chiburuduanuradɛ
aramaa panɛbudabida, bɛɗɛa dayua chi jɛdako nɛɛbudaudɛ, kurisdɛ nau urukopanuma
kurisdɛ urukubú aibayu joma kurisiabudaudaara.
Chi char ruachoromadɛbɛna maũdɛ chi modɛdɛbɛnaba Ãchia waya chi rua ãibεnaramaa
cuba, Noruega maa aribia kakua kεrajuajarasidama achi akuru karεba-baríkakua cha
bεdεa awakopanudεbεna. Maudε Venezuela maa maudε Chile maa.
Chi dachi ruadɛbɛna maa bida kakua kεrajuajarasidama jaka akuru juakaatu
chiburuduanasbaɛra, achia aramaa arajaka bɛɗɛakaribabada a wa kopanuma.
Cha jara awakopanuba joma jara daibasma
Chi char Rua chѳromaɗεbεna, akurω bεɗεabadaurãba
moɗεdε bεnarãba