PNL Garantía Acceso Comunicaciones Medio Rural

Junta General del Principado de Asturias - REGISTRO ENTRADA Nº: 0010583 20.MAY.2016 13:44
GRUPO PARLAMENTARIO
PODEMOS ASTURIES
A LA MESA DE LA XUNTA XENERAL DEL PRINCIPÁU D’ASTURIAS
Emilio León Suárez, portavoz del Grupu Parlamentariu PODEMOS ASTURIAS, al ablugu
de lo recoyío no Reglamentu de la Cámara nos artículos 220 y siguientes, presenta la
siguiente PROPOSICIÓN NON DE L.LEI, sobre garantía d’accesu a las telecomunicaciones
nel mediu rural, pal sou debate ante’l Plenu.
XUSTIFICACIÓN DE MOTIVOS
La cobertura de telefonía móvil ya la conesión a Interné a una velocidá afayadiza son
eixes clave p'articular l'accesu a la información, a los servicios públicos, al ociu ou al
empléu, ya tamién pa sostener las relaciones interpersonales. Xunta outros dreichos
como la sanidá, los servicios sociales, la educación, el trabayu, la vivienda ou la cultura,
las telecomunicaciones son un garante de la plena ciudadanía.
Pero nel mediu rural asturianu, onde l'accesibilidá a servicios yá ta de por sí torgada, la
falta de telecomunicaciones agrava esta situación, afogando más si cabe los dreichos de
los sous habitantes. Son muitas las familias que nun disponen tovía de cobertura móvil
ou conesión a Interné, ou que namás tienen al sou alcance conectividades probes, con
mantenimientos deficientes, averías continuas ya interrupciones repitidas, que choucan
con unos precios verdaderamente abusivos pa la prestación recibida.
Ta claro qu’hai dificultades pa dar esti tipu de servicios en determinaos territorios, por
cuenta de la nuesa orografía complicada. Non obstante, anguaño se dispón de soluciones
técnicas basadas na radiofrecuencia que podrían dar accesu a Interné ya cobertoria
móvil a prácticamente cualquier población, por acu!!ó que tea.
De feito, l'alministración asturiana tien yá a la súa disposición una importante rede
d'infraestructuras de telecomunicaciones, que nun se ta usando en tola súa potencialidá.
Por casu, fomentando’l sou aproveichamientu por agrupaciones d'usuarios, pymes ya
cooperativas, podría apurrise l’accesu a Interné por radiofrecuencia ei!!í onde nun tán
chegando bien las grandes compañías.
Por outru !!au, dende lo público, podrían establecese alcuerdos d'usu común de
recursos con operadores de telecomunicaciones privaos, de forma que nas condiciones
recoyidas nos convenios s’incentivara a estas compañías a dar cobertoria de las zonas
que taban deixando descubiertas.
Rescampla que'l Gobiernu asturianu tien de liderar l'impulsu d'estas soluciones pa
superar las !!endes ya garantizar a los habitantes del mediu rural l'accesu a las
1
GRUPO PARLAMENTARIO
PODEMOS ASTURIES
telecomunicaciones, estendiendo nesti tema la igualdá ente las personas que pueblan
Asturias, con independencia del sou !!ugar de residencia. Con e!!o, amás, vei tar
contribuyendo ensin dulda na !!uita contra la despoblación de las alas.
PROPOSICIÓN NON DE L.LEI:
La Xunta Xeneral encamienta al Gobiernu d'Asturias a garantizar a tola ciudadanía
asturiana la igualdá de dreichos nel accesu a las telecomunicaciones, favoreciendo la
implantación de sistemas d'Interné por radiofrecuencia nos territorios a los que nun
chegue'l cable ya fomentando l'ampliación de la cobertoria móvil, al traviés de las
siguientes mididas:
1ª Potenciar la infraestructura pública de telecomunicaciones de cable ya
radiofrecuencia por reemisor ou satélite, ampliando'l sou alcance de forma progresiva
ya homoxénea cola instalación de nuevas redes ya estaciones.
2ª Impulsar convenios entre l'alministración asturiana ya operadores privaos,
condicionando l'usu de la infraestructura pública por estas compañías a la súa
espansión de servicios a territorios nos que nun tán presentes.
3ª Facilitar la implantación de sistemas de telecomunicaciones comunitarios xestionaos
por agrupaciones d’usuarios nos !!ugares ónde nun chegan bien las redes
convencionales:
a. Fadiendo estudios técnicos que diagnostiquen necesidades a lo !!argo de la
xeografía asturiana ya dean soporte a los proyectos.
b. Promocionando estos sistemas nos conceyos onde seyan viables mediante
campañas d'información a la población, trabayando conxuntamente colos
Ayuntamientos.
c. Apoyando económicamente a agrupaciones d'usuarios cola convocatoria pública
de subvenciones pa l'adopción d'estos sistemas.
4º Promover la formación técnica, asesoramientu ya respaldu a las iniciativas de pymes,
autónomos ya cooperativas surdidas que dean soporte esti tipu de servicios nel nuesu
territoriu.
Uviéu, 20 de mayu de 2016
Emilio León Suárez
2