ANUNCIO Banco Central di Aruba (Banco) ta anuncia cu e

C ENTRALE B ANK
VAN
A RUBA
ANUNCIO
Banco Central di Aruba (Banco) ta anuncia cu e “Ordenansa pa Supervision di
Companianan di Servicio di Trust” a drenta na vigor entrante 5 di Februari 2009.
Segun articulo 2, paragraf 1, di e ordenansa, ta prohibi pa un compania duna servicionan
di trust den of via di Aruba sin un licencia di Banco. Segun articulo 31, paragraf 1, di e
ordenansa aki, companianan dunando servicio di trust estableci na Aruba prome cu 5 di
Februari 2009 y cu ta registra den e registro comercial (“handelsregister”), mester tin den
nan poder un licencia di Banco dentro di un (1) aña despues di e fecha menciona ariba
(esta entrante 5 Februari 2010).
Di acuerdo cu articulo 3 paragraf 5 di e ordenansa, Banco, pa medio di un carta, lo pone e
aplicante na altura di e decision tuma riba su peticion dentro di seis (6) siman despues cu
Banco a ricibi e peticion cu tur e documentonan rekeri.
Companianan dunando servicio di trust cu kier establece nan mes na Aruba despues di 5
di Februari 2009 mester dispone di un licencia di Banco prome cu nan por cuminsa cu
nan servicionan.
Formularionan pa aplica pa un licencia pa duna servicionan di trust ta obtenible riba e
website di Banco: www.cbaruba.org
Pa mas informacion tuma contacto cu señora P.S. Tromp-Gomez of señora C.M. LindersBryson di e departamento di Supervision, na numbernan di telefon (297) 5252-177,
respectivamente, (297) 5252-178 of via e-mail [email protected],
respectivamente, [email protected]
1 di April 2009