Gracies pola detallada y valiosa información apurrida arreyada a la

Gracies pola detallada y valiosa información apurrida arreyada a la
sentencia del TSXA.
Yá toi en contautu con Colondrón, del sindicatu SUATEA, que ye ún de
los que, polo visto, lleva estos asuntos.
Dende la dirección del centru de Llaviana va a intentase de nuevo la
operación d'introducir l'enseñu del asturianu n'Infantil. Esperamos
que salga bien.
Munches gracies, otra vegada.
Xulio Llaneza Fernández. Maestru del C.P. Elena Sánchez Tamargo. La
Pola Llaviana
SUATEA foi parte nun pleitu énte'l Tribunal Superior de Xusticia
d'Asturies (Recursu 1818, sentencia de data 30 de payares de dos mil
nueve) nel que la sentencia diz que sí qu'entra la llingua asturiana
na educación infantil nel currículu nuevu, so la tema de "conocimientu
del alrodiu y llinguaxes" o daqué asina. Eso foi lo que defendió'l
Principáu nel pleitu y a los sos actos tien de tar. D'otra miente, un
asesor de Riopedre na materia (Fernando Padilla Palicio) vien
d'asoleyar un llibru sobro la cuestión del asturianu na educación
n'infantil. Agora tien SUATEA la ocasión d'esclariar dafechu esti
asuntu tornando, llegáu'l casu, al Tribunal Superior de Xusticia.
¿Que facer?. Yo diría con esta rempuesta a la responsable
d'asturianu de SUATEA y/o a Fernando Padilla Palicio pa que, acordies
cola sentencia y el llibru s'igüe darréu l'asuntu y pasen la
información del casu a los inspectores y direutores de centros pa
qu'entamen a cumplir colo que ye una obligación llegal (artículu 10.1
de la Llei 1/1998: ufiertar l'enseñu de la llingua tamién n'infaltil.
Si hai dalgún problema mandá-yme otru corréu.
Xurde Blanco.
P.S. El teléfonu de SUATEA ye 985274343. Entruga-y polos
responsables de llingua asturiana y al que se ponga dici-y que vos
mandé llamar yo. El de Fernando nun lo tengo pero dánvoslu
n'información del Principáud'Asturies.
Nel Colexu Públicu "Elena Sánchez Tamargo" de La Pola Llaviana
queríemos entamar pal prósimu cursu les clases d'asturianu n'Educación
Infantil. La Direutora faló del tema cola inspectora y ésta díxo-y que
nun se podía facer tal cosa porque nel Currículu publicáu pa esa etapa
educativa nun figura la materia de llingua asturiana. La direutora,
entós, entrugó-y que por qué en dellos centros públicos d'Asturies sí
que taben dando esa área. Y a esto respondió la inspectora que a los
colexos que yá lo daben antes del asoleyamientu del decretu del
currículu que los habíen dexao que siguieren, pero que pa los que
quixeren entamar dempués yá nun yera ello posible.
¿Qué podemos facer delantre d'esta situación?
Esperamos la so orientación. Munches Gracies.
Julio Llaneza Fernández>
Profesor del C.P. Elena Sánchez Tamargo. La Pola Llaviana.
SOX, 24/04/2010.