1 UN PASO I UN SALTO Un historia ku a sosodé di berdé, ku alaves

UN PASO I UN SALTO
Un historia ku a sosodé di berdé, ku alaves ta un testimonio kon staño bida di un hende por
ta tin bia , i sin ku bo mes sa, diripiënte un gran kambio ta tuma lugá den bo bida. Ban
skucha: Tur dia yen di deseo mi tabata wak e avionnan lanta i bula pasa riba dak di nos kas,
pasobra nos tabata biba serka banda di aeropuerto. Mi tabata pensa tin bia, ki dia lo mi por
sinta den
un avion asina, i bula aya riba den e nubianan haltu. Mi no a pensa nunka ku ùn dia lo por ta
asina leu, pero tòg e dia ei a yega, i pa mi e paso di mas pisá i difísil tambe, i despues di sei
e salto di mas difísil den mi bida, e salto pa algu deskonosí.
Tempu ku mi tabata chikitu, nunka mi por a pensa ku un dia lo mi bula for di un avion. Asta i
tata i mama lo a bisa: Mucha, ta kiko esei, e kos ei no ta pa bo. Pero ya, mi a haña mi ku
difikultat na kas, pleitamentu a kuminsá den famia i mi a bandoná kas di mi mayornan.
Despues di tres aña largu i difísil, ma tende un kantika resoná for di un kòfibar, e tabata
bunita i nan tabata konta di un siërto Hesus kende lo a muri pa nos riba un krus. Pero esei
no tabata importá mi, mi tabata mi só tòg. Anochi drumí riba mi kama, ketu bai mi tabata
tende e kantika ei, e no a laga mi trankil mas, i poko poko algu a kuminsá kambia dem mi
bida.
Despues di hopi luna, riba un anochi mi a kana drenta e kòfibar, tabata masha dushi i nan
tabata papia ofer di Dios, nan tabata hasi tur sorto di wega i mi tabata sinti mi na kas aki nan.
Lo dura basta tempu ainda promé ku mi dal e promé pasó den mi bida nobo, e pasó a
bini, ma aseptá Señor den mi bida komo mi Salbador personal i Redentor, i awor mi tabata
sa ku El a muri pa mi pikánan i tam-be pa esnan di tur e hendenan ku asept'Ele.
Mi promé salto tabata pa bula drenta e felisidat i stimashon sin limite di nos Salbador, ku a
kumpra mi liber dor di Su sanger for di tur pikánan. Mi tabata sa ku di mi mes lo mi no por a
keda sin hasi piká, pero nan a konta mi ku mi mes lo no por hasië, pero ku E ku ta biba awor
den mi si lo por laga mi keda sin hasi piká, i E lo hasië tambe. Un ratu despues den mi
kamber, mi a mira un avion kologá kual mi a haña tempu ku mi tabata un mucha hòmber
chikitu, i mi a pensa den mi mes, awor nan a kùr bo àf tres bia kaba pa servisio militar, kon lo
bo sinti bo bulando for di un avion asina, esei tambe lo ta un salto.
Mi a lubidá ku awor mi ta un yu di Dios i ku mi bida ta wòrdu goberná awor dor di Dje, no
ami, pero E ta goberná mi bida. Mi a haña un yamada pa bai kùr di nobo, i loke nin-gun
hende por a komprendé, mi a wòrdu bòn di kùr pa tur e servisionan. Entre tantu awor mi a
bira sòldá i esei a trese ku ne un kambio den mi manera di biba; mi mester por a soportá
hopi kos, i someté mi mes na e outoridat di otronan.
Pero Señor Hesus semper a laga mi mira kon kos mester ta. E estudio aki tabata eksigí hopi
di mi kondishon i sinti, pero e rekompensa mi a haña despues di algun luna pisá, esei tabata
e bonèchi kòrá, nan a hinka mi den e grupo ku mester a bula ku parashüt. Riba un mainta mi
a eksperensha e presensha di Señor hopi serka di mi, i mi a haña e kos di mas bunita di kua
mi a soña. Mi mester a bai sinta den un avion ku un parashüt riba mi lomba,i mi mester a
bula abou. Nunka lo mi por lubidá esei, e salto for di avion ta algu inkreibelmente angustioso,
sensashonal, mi no por eks¬presá esei ku palabra, e ta komo sifuera ku bo ta aseptá Señor
den bo bida, e tambe ta un salto, bo no sa kiko bo a kuminsá ku ne, ni tampoko kon e lo
terminá. E ta hewon un paso ku bo ta dal, asina numa den skuridat, for di un avion i asina e
tabata pa mi tambe e paso pa Señor, pa mi tambe e tabata un salto pa Señor.
Pero una bes ku bo bula for dje avion i e parakaida habri i bo wak e ora ei abou, na e tera ku
Dios a krea, anto lo bo haña gana di keda aya riba, pero bo ta bai tera bèk. Mi no ke bisa ku
1
tur kos ta bai manera bo ta pensa, nò, di bèrdat lo bo tin mièdu de bes en kuando, ma Señor
Hesus tambe no a sinti ansha ora ku E tabata kologá aya na krus pa mi pikánan?
El a grita: Mi Dios pa kiko Bo a bandona Mi? El a drenta soledat pa hende, pa salba nan,
hendenan ku ta kere den Dje i ta rekonos'E i tin mester di Dje, manera ami ta.
E ta invitá bo pa tuma e paso ei pa yega serka Dje, e salto pa Señor Hesus.
Ta solamente ùn pasó pa bo yega serka Dje, pa kiko no hasië!
Mi sa ku Dios ta serka mi i ku E ta guia mi bida dor di tur difikultat; E ta mi Guiador i mi
Señor. Esaki ta mi testimonio di e dos eksperenshanan di mas bunita di mi bida. E paso i e
salto pa Senor Hesus.
2