Sabtaj ben Josef D`Jaen
Anuncio
Sabitay ben Yosef Djaen (1883-1946) Una de las personalidades mas kompleksas en la istoria de la Djuderia Yugoslava, en ultimos tiempos - ez, sin duda, ham Shabetay (o, segun la pronunsiasion lokal, Sabitay) ben Yosef Djaen - more lashon, jurnalista, eskritor, rejiser, haham, hahambashi, aktivista politiko, sionista - etc. Sabitay Djaen nasio en Plevna, en Bulgaria, komo uniko ijo "ben zekunim" (despues de vente anyos de la vida djunta) a su padre Yosef i a la madre nasida de Bejerano. En edad de treze anyos, entrando al kurso preparatorio del “Bet Midrash para los rabinos” en Sofia empeso mansevo Sabitay sus estudios rabinikos. La dicha yeshiva fue fondada i kondusida por mano del Gran Rabino de Bulgaria Dr Mordehay Grunvald (el kval, entre los anyos 1881. i 1884. era haham en la sivdad de Byelovar [Kroatiya] - onde fue uno de los fondadores de primera gazeta djudia en Yugoslavia - el "Judisches Centralblatt"). Por razones diversas Djaen non kedo en Sofia mucho tiempo. Su padre era muy aktivo en “Hevrat yishuv Eres Yisrael”, organizando grupos de olim - i yevandolos finsta Varna. Al kavo el tambien suvyo a Eres Yisrael. En la akdama de su akto teatral "Yiftah" (Vina 1922., p. 3.) Sabitay dize ke su padre esta enterado en Sion. En otro lugar avlando de su padre el dize lo sigiente: "komo el oro fue su amor por el Sion i por Yisrael". En el anyo 1896. - yevando kudyo, djunto kon su padre, de un grupo de olim - i transportandolos a la Varna (este grupo despues fondo yishuv Hartuv) Sabitay, desidio de provar su mazal en uno de los mas grandes sentros de vida i kultura djudia - Istanbul - onde fue akseptado en el Bet Midrash para los rabinos ke fue kavesado por haham Avraam Danon.1 Las frontieras muevas en Balkan komo si non egzistian por los Sefaradis - los kvalos, avlando la mizma lengva i partenesiendo a la mizma Le djeneralmente ignoravan mueva divizion de su esapsio kultural. Naser en un paiz, edukarse en otro, lavorar en treser - i murir se en kvarten fue una koza muy normal para los 1 M. D. Gaon, "Djudios Orientales en Eres Yisrael", Yerushalayim 1938., p. 193. Djudios Sefaradis. Asi i haham Djaen, nasido de Bulgaria, edukado ayi i en la Turkia - al kavo del kavo resivio pozision en Yugoslavia - onde vino en el anyo 1902 - siendo ke la chika komunidad de Nish (sud del Serbia) bushkava un more lashon para su skola. Haham Dr Mordehay Erenprayz lo rekomando a Djaen, el kval insupito fue invitado "para ver - i por ser visto". Parese ke la atraksion fue dupartial - porke el haham mansevo ya kedo en Nish. En el mez de yulio 1902. paso por ayi Sinyor Yaakov Mose Kalev, uno de los pionires sionistas en Bulgaria. Despues de sus derashot enflamadas - desidieron los Djudios nishlis de fondar su organizasion sionista. Komo ke la sentrala de la Organizasion Sionista era en Vina - mandaron los Nishlis una letra de informasion a la sentrala. La dicha letra fue eskrita en el incesko (franko) - por mano de dos idealistas sionistas mansevos Sabitay Djaen i Isak Beraha. Las ultimas palavras de la letra maldavan: "Viva el lider de muestro movimiento nasional Dr Hercl" En el empesijo del mez del Septembre los mizmos aktivistas mandaron otruna letra a la Vina - bushkando ke lez mandasen las kabalot para los nedavot - para poder empesar kon arikujimiento del "shekel sioni" por el fragvamiento de Eres Yisrael. Isak Beraha firmo komo el prezidente de la sosiedad "Sion" en Nish - i komo el sekretario de la mizma sosiedad firmo S. J. Djaenovic.2 En el mizmo anyo tomo Djaen por mujer a Zimbula - ija de David Nahmiyas - kon la ke tuvo kvatro kriyaturas - ija Teodora (parese ke nasyo en el anyo 1904 - en el kval se murio Dr Hercl - i por esto fue nombrada segun el) - i ijos: Yosef, Salom i David. En la akdama a su akto teatral "Yiftah" haham Sabitay mensiona ke en el anyo 1902. el mando al Vaad Merkazi de los Sionistas de Bulgaria una koleksion de sus kantigas. Unas kvantas fueron publikadas en gazetas "Hasofar" i "La luz" en djudeo-espanjol. En el medio del anyo 1904. paso haham Sabitay a la sivdad de Travnik en Bosna. Su kontribusion al dezvalopamiento de ideales djudios nasionales en esta sivdad provinsial fueron inkkomparables. Afuera de las pozisiones formales i pagadas de more lashon, melamed tinokot i hazan - haham Sabitay vino a ser, tambien, un lider Las letras mensionadas estan gvardadas en el arhivo sionistiko en Yerushalaim. La letra del data 11. 07. 1902. basho el numero Z1/336 - i la del 03. 09. 1902. basho el numero Z1/337. 2 natural de la manseveria atraktizada por sus palavras enflamadas i inspirativas. Muchos anyos despues, el defunto Dr Yosef Konforti, travnikli, eskrivio, kon mucho karinyo, ke kon la vinida de melamed tinokot "moderno" - Sinyor Sabitay Djaen todas las reuniones de la manseveria - las kvalas, asta intonses, djeneralmente, fueron tradisionalas i inkreativas - resivieron un sentido muevo, mucho mas bivo i todoinklusivo - non solo por la vida djudia nasional - sino, tambien, por la edukasion djeneral i por rekreasion de una kultura biva i floresiente. Asta su vinida las kriyaturas djudias tuvieron solamente edukasion djeneral (la ke resivian en las skolas reales) - asta ke intera su edukasion djudia dependia sovre lo resivido en la kaza - sin ningun sistem i organizasion. Haham Sabitay desidio de trokar la situasion insomportable - establesiendo skola djudia en los Shabatot i los Alhades - en la kvala se ambizavan unos diez subyektos. Lo revolusionario en esta skola fue el fakto ke lashon akodesh non fue ambizada komo una lengva muerta designada solamente por los rituales (tefilot i berahot) - sino, preferamente - komo una lengva biva - modo de komunikasion entre la djente - lengva djudia nasional. Por esto, djunto kon el ambizamiento tradisional de maldar - haham Sabitay insistiya, tambien, sovre ambizamiento de skrivir (sovre el kval no se prestava mucho tino en ultios kvantos siglos) i de avlar. Afuera de la lengva - s'ambizava tambien istoria djudia nasional, edukasion elementaria en la muzika - i mas. Al kavo del anyo akademiko - las kriyaturas tuvieron un egzamen final, en prezensia de los djenitores - i si lo pasavan - resivian diplomas. Segun los testimonios de sus talmidim travniklis, ke sovrebivieron el nasionalsosializmo germano-kroata-muzolmano, haham Djaen fue muy amistozo - i "enamurado de pasatiempo i fiesta". Durante su primer invierno en Travnik, el organizo, djunto kon sus tallmidim, unos kvantos aktos teatrales diletantikos - ke tratavan, djeneralmente temas de la istoria djudia nasional - komo, por enshemplo: "Rey Shelomo i Rena Shulamit" - o las geras de los Makabeos. Su grupo teatral non limito sus prezentasiones a Travnike ekskluzivamente - sino vijitaron a otras sivdades de Bosna - las chikitas (komo Zenica onde, en la okasion de selebrasion de hanukat del Kal muevo, prezentaron su akto teatral "Bar Kohba") - mizmo komo las grandes - komo, por enshemplo, Saray. Non merese dicho ke aktos teatrales, de si para si un fenomeno totalmente muevo por las masas sefaradis en Bosna, kavzaron una senzasion bien grande. Los aedados en la Komunidad de Travnik - muy konzervativos i relijiozos non viyan kon bienkerensia todas las "inovasiones" ke Djaen intento en su sivdad - opinando ke en una sivdad tan chika komo Travnik no ay lugar por revolusiones de este tipo en edukasion de las kriyaturas i de la mansevez. Por todo esto, mizmo komo por "komportamiento demasiado liberal en el Shabat i en loz Moadim" haham Sabitay tuvo ke deshar Travnik - sivdad provinsiala en la ke paso menos ke dos anyos, konvertiendo a su juventud a "sionistas verdaderos".3 Bushkida por una sosiedad mas avierta por sus inovasiones lo trusho a la kapital Bilugrado (Beograd) - onde, en el mizmo anyo, su primo (de la parte maternal) haham Berjerano troko este mundo por el mejor. Ayi, haham Djaen resivio la pozision de "more lashon por las kriyaturas i mansevos del rito sefaradi". No le tomo mucho tiempo para kreyar relasiones ekstraordinarias kon la juventud la ke organizo en dos sosiedades por la juventud sionista - "Gideon" por los gimnazistas i "Atehija" por lavoradores djudios mansevos. Oras libres pasava en la Fakulta de la Filozofia en la Universidad de Bilugrado - ma, por ser ke nunka formalizo su karera universitaria - non obtuvo ningun titulo akademiko. Dos anyos despues, la Komunidad Djudia lokal lo mando a Yerushalayim "por spesializasion" - onde se detuvo komo un anyo. No ez savido kvanto tiempo turo su kedada en Bilugrado - ma, durante la primera gera mundial ya lo topamos serviendo a su puevlo i a su Le en Saray (ke intonses fue basho la okupasion Austro-Ungara) onde fue responsable por la edukasion djudia. Kvando los Austriakos, o komo los Sefaradis preferieron a yamar los - Shvabas, entraron al Bilugrado - vino i Djaen tambien - tuviendo una resepsion muy kayente - asta el momento en el kval, akavando su derasha (sin ningunos ultimos motivos - simple auzado a los uzos de Saray ke tanto tiempo "desfrutava" la proteksion de la kaza de Habsburges - i onde los Djudios yevavan kudio de sus kozas - sin ningun intereso por nasionalizmos lokales) pronunsio palavras "Biva Imperador Frantz Yozef" - konsideradas por Djidios bilugradlis (siendo ke muchos de sus ijos ofresieron sus vidas por la defensa de Serbia) por la peor blasfemia i maldision. En Bilugrado, tanto entre los Djudios, non fue lugar por un "Austrofil".4 Dr Josef Konforti, "Travnicki Jevreji" ("Los Djudios de Travnik"), Saray 1976. p. 22-23; Gaon, mizmo - p. 193. 3 Sitado de artikulo sovre Shabetay Djaen eskrito por mano de Jennie Lebl - i imprimido en la "Mezuza" - bilten kultural de la komunidad djudia de Serbia. Eya traye la informasion en nombre de advokado David A. Alkalay - resivida en una konverzasion privada. 4 Su servimeinto en Saray, de punto de vista del teatro, fue su periodo mas fruktuozo. Ayi el eskrivio la medjoridad de sus aktos teatrales. Profesor A. Suzin, un amigo personal, s'enkargo de eskrivir muzika por sus aktos. En el anyo 1922. empreso Djaen tres aktos suyos en Vina - "Yiftah" (en kvatro scenas - dedikado a su padre Yosef) "Debora" (en tres scenas - dedikado a Lika i a Dr David M. Alkalay), "La ija del sol", (alegoriya en una scena - dedikado a Beatrisa). Dando enshemplo a sus talmidim - el dediko 10% del profito a la Keren Kayemet leYisrael. Djaen kedo in Saray asta el anyo 1924. Komo ke, entres tantas otras kozas, el era, tambien un gazetador autodidaktiko - en su partida de Saray a Monastir (onde resivio la pozision de haham-bashi) - la asosiasion sarayli de los gazetadores organizo despedida festiva en su onor. Sus muchisimas aktividades non desharon indiferente a kaji ninguna personalidad djudio de importansia publika en intero Reinado Yugoslavo. La medjoridad de las muchidumbres sefaradis, la djente de la kaleja ke non tuvieron ke djugar el djugo de onor, lo adoravan - por sus idealas, por su karizma i populizmo. De otro lado, algunos entre los intelektuales bushkavan kada oportunidad para menuspresiyar i apekenyar sus alkansamientos. Komo un darshan de talento, erudita autodidaktiko i avlador manyifiko, un intelektual par ekselans ke, todavia, para siempre kedo un "ombre del puevlo" - haham Sabitay era inkomparable en su kapasidad de adjuntar i organizar la mansevez, konkistar los - ofresiendo sentido i sinyifikasion a su vida direksion a su energiya i propozito a su fuersa manseva i biva. Segun sus kontemporarios - non fueron solo los mansevos ke se inamoravan de mansevo haham idealista - sino muchas mujeres kazadas non desharon de avlar de el en sus reuniones seradas - echando suspiros en eskuchar su nomvre - ke fue la verdadera razon de mucha opozision de sus maridos. Lo interesante ez ke - aun ke sea ke haham Sabitay, segun las fotografias, stava una persona de altura media - todos los informantes lo deskriven komo "alto i remarkable" - loke ilustra muy bien la fuersa de su persona i impresion ke deshava sovre sus konavladores. Su vinida a Monastir, en Febrero 1924. sinyifiko una kvadrivio - kvanto por la sivdad - tanto por el mizmo. Parese ke el governo de la "Kraljevina Srba Hrvata i Slovenaca" - "S. H. S." ("Reinado de Serbos, Kroatas i Slovenos" - "S. H. S.") fue bien interesado ke a las provinsias muevo-liberadas vendran lideres modernos i progresivos - ke ayudaran a su plano de enplantar el patriotizmo serbo (o yugoslavo) entre la povlasion djudia. (Ya en el anyo 1913. el governo serbo pidio de Dr Isak Alkalay, ke intonses era haham-bashi de Serbia - Dr Isak Alkalay, i del lider djudio Dr David Albal "de avlar kon sus ermanos en el sud en su lengva (ladino)", mandando, ayi tambien i a los patriotas serbos komprovados - komo el advokato Yovan Mandil i Samuil Amoday.) parese ke haham-bashi del Reinado S. H. S. opino ke Sabitay Djaen podia servir la koza del governo.5 Para dar kvanta mas importansia publika a la vinida de muevo rabino - el hahambashi del Reinado, vino a Monastir para bendizir lo i inaugurar lo al ofisio. En la inaugurasion, afuera de muchidumbre de los Djudios, stuvieron prezentes, tambien, el episkopo del Bitol (Monastir), el jupan grande (governador de la provinsia), komadante de trupas de la provinsia. En la refaksion ke fue organizada mizma noche en las udas del "Klub Djudio", fueron prezentes el prezidente del kontorno, mufti - i muchas otras personalidades publikas.6 El haham-bashi Djaen avlava unas kvantas lengvas - entre las kvalas, klaro, el ladino i lashon akodesh okupavan el lugar mas sinyifikante. No le tomo mucho tiempo para "toparse" en el rolo del haham-bashi de Monastir. En las kalejas de esta sivdad yugoslava mas aleshada su aparesion era ekstraordinaria. Segun los adetes del sud konzervativo el haham-bashi, mizmo komo los notables de otros puevlos i leyes, kaji non salia sin un gavaz ke pasava en su frente aziendo le lugar por medio de un skiptro. zezlom. En sus aparesimientos publios en adjuntas i selebrasiones "saltava" entre los reprezentadores de otras konfesias. Asta ke en la kaleja el deshava impresion de una persona enaltesida i aleshada de su pastura - en la Komunidad Djudia, ke sus miembros kontavan algo komo diez persientos de la povlasion de la sivdad, el stava muy amadao i popular. Primera koza ke izo despues de su promosion, revolusionaria - segun su uzo, fue a derokar la alta mehisa en azarat nashim en el Kal de Aragon - loke las mujeres resivieron kon mucha alegria - asta ke entre los machos fueron muchos ke kritizaron el echo. Aki, mizmo komo en Travnik, el dediko la medjoridad de sus esfuersos a las kriyaturas i a la juventud - ma, non en la direksion "espektada" por el estado i por sus servidores fideles de entre los Djudios (malda: nasionalizmo serbo - o yugoslavo) - sino en la direksion de nasionalizmo djudio i sionizmo. La komunidad de Monastir - la mas povre komunidad en Yugoslavia - ke en siglos pasados fue koneksionaada kon Eres Yisrael tuvo una inklinasion sola - i un dezeo solo - aliya a la Tiera Prometida. Aun 5 Jennie Lebl, "Plima i slom", Beograd 1990., p. 208-210. Bilten de la federasion de las komunidades djudias en Yugoslavia “Jevrejski pregled" 5-8, Beograd 1974., p. 70-71. 6 ke seya ke las leyes ilegales i inumanas del okupador englez non permitian entrada a muchidumbres de Yisrael a sus tiera - los Djudios monastirlis siempre topavan modos i kaminos para obtener uno de pokos sertifikados ke Englezes sakavan. Haham Sabitay pidio ayuda de asosiasion de los monastirlis en Amerika - i presto, kon su ayuda avrio un gan yeladim en Monastir. En el mizmo tiempo el mantuvo kontaktos kon las organizasiones djudias en Eres Yisrael - empesando kon loke monastirlis en shaka yamavan "importe" de las madrihot djudias - primera de las kvalas fue Lea Ben-David - ke vino en el anyo 1925. En su aktividad eya non fue limitada solamente a la edukasion de la kriyaturas - sino tambien avrio kursos para ambizar el lashon a los mansevos.7 La seksion tetral "Atehiya" prezentava aktos teatrales del Djaen muy frekventamente - i estos fueron resividos muy bueno - non solamente entre la publika djudia. Entre los otros fue prezentado su akto "Sara Aronson" - el kval tuvo mucha aslaha - kavzando, al kavo del kavo, kreasion de asisiedad para las muchachas "Sara Aronson" - la kvala, ya en empesijo, nombro komo ochenta miembras.8 Al mandamiento de la "Organizasion Sefaradi Mundial" de Yerushalayim, durante su servisio en Monastir - viajo haham Sabitay dos vezes (en los anyos 1927. i 1928.) a las tieras de Amerika del Sud (Brazil, Urugvay, Argentina, Chile, Peru, Kuba) mizmo komo i a los Estados Unidos - para ambizar las kozas, arikujer fondos i estableser ekspozituras de la organizasion. En bankete organizado en su onor en Yerushalayim Djaen dio un raporte sovre el estado de las komunidades djudias ke vijito. - Por los detayes mira "Doar ha-yom", 30.1.1928, p. 4, 2.2.1928, p. 2. Muchos de sus aktos fueron prezentados en akeyos paizes tambien. Despues de tantos viyajes Monastir se izo un lugar muy chiko i estrecho por una pesona de tantos talentos, kapasidades i fuersa. - Por esto en el verano de 1928. el 7 Jennie Lebl, "Plima i slom", Bilugrado 1990., p. 287-289. Sovre Sara Aronson (1890-1917), una de las ledjendas de la mueva istoria djudia mira: Lebl, "Plima i slom", p. 265; "Iseljenicki almanah", Saray 1990., p. 87. 8 rezigno del lugar del haham-bashi - i se fue al "mundo grande". Un tiempo kurto el servio komo el "Gran Rabino", de Argentina - ma despedido. Siendo ke un Bukurest, la kapital de Romanya, avia una komunidad sefaradi bastante grande - ke, entre los anyos 1921. i 1931. fue sin haham - en el 5.9.1931. Djaen mando su kandidatura al maamad de la komunidad - kandidandose non solo por la pozision de haham de la komunidad lokal - sino tambien por la kavesera de djuderia sefaradi de intera Romanya - informandoles ke el seria pronto de akseptar la pozision de haham-bashi sefaradi de Romanya. La komunidad sefaradi de Bukurest, en akel momento, numerava serka ocho mil almas i tuvo dos kales, dos skolas, una kuzina para los proves, kaza de los viejos i bet ahayim. En su vinir por ayi el fondo un Bet Din. Ayi, tambien, el empreso su livro de sheelot utshuvot. En Romanya Djaen dezvalopo una aktividad sionistika muy rika. Sus relasiones kon los reprezaentadores de la komunidad ashkenazi fueron ekstraordinarmente buenos. El frekventamente vijitava las skolas djudias - interesadnose en todas las dimandas de la edukasion. Para interesar las mansevas djudias en las aktividades el "invento" selebrasiones de Bat Micva. Esto, tambien, fue una de los kozas ke antes de el no la izo ningun haham sefaradi en el Balkan. El regularmente informava la komunidada de sus aktividades diferentes - i muchos de estos "raportes" fueron despue imprimidos en el bilten de la komunidad djudia lokal. En el Rosh Ashana de 1936. el imprimio una traduksion libre de las poemas para los diyas los temerozos del lashon akodesh a ladino (S. J. Djaen, "Traducion en JudeoEspaniol, Tresoros de Oraciones", Ros Asana 5696). Komo i siempre - muchigvando tantas aktividades i esfuersos - el muchivo, tambien, i los oponentes. Los sionistas lo akuzavan de ke prestava mas atension al Ladino ke al Ebreo. Los konzervativos pensavan ke stava demasiado "moderno", ke no parese komo haham sefaradi tradisonal - i ke non alkanso a apokar la asimilasion ke empeso a tomar su "arach en la sangre" entre los Sefradis tambien. La opozision mas grande resivio del prezidente de la komunidad sefaradi - avokado Napoleon Arye, un patriota Romano riko, kontaminado kon el ksenofobizmo i odio por los "estranyeros" - los ke, segun su opinion, non fueron loyales a Romanya. Komo su patriotzimo romanesko fue komo una obsesion - al kavo el empeso una kampanya para konvenser el rejisto de Romanaya ke la influensia i prezensia de los estranyeros fue peligroza i non dezeada. En sus atakes kontra los estranyero tambien los estranyeros djudios fueron inkluidos (djunto kon el haham Sabitay Djaen). El rejisto en verdad agudo sus mizuras kontra los estranyeros - loke toko a muchos Djudios. Por todo esto la komunidad djudia bushko del Sinyor Arye su rezignasion. - I komo ke el no la kijo dar - fueron forsados a echarlo de su pozision. Insupito el akuzo a intera komunidad djudia por el anti-patriotizmo - loke rezulto en trokada de opinion publika - i spesialmente la del rejisto serka los Djudios en Romanya. Al kavo de los anyos trenta el parlamento empeso a pasar las leyes anti-djudias. Napoleon Arye "troko la ley", se baptizo - i se izo kristiyano - malsinando i atakando a sus konermans de ayer. Durante la Segunda Gera Mundial, haham Djaen fue enkarselado unas kvantas vezes. Primera vez en el Noviembre de 1940. - Ma, grasias a las intervensiones de la parte del konzul italiano i del konzul espanyol - fue liberado "a kondision". Por medio de konzules mensionados el ayudava a muchisimos pelitim ke vinian de los paizes okupados por la maldicha soldateska alemana. Uzando sus koneksiones kon el konsulado de Chile el logro a sakar muchas legitimasiones ke sinyifikavan vida i las distribuio entre los pelitim. Esto fue su medjor aktividad asta el mayo de 1943. kvando Romaya akavo sus relasiones diplomatikas kon el Chile. En el Agosto de 1944. desidio haham Sabitay Djaen a deshar Romanya i emigrar a Argentina. Ayi non obtuvo ninguna pozision publika. dezilusionado por el "pasivizmo", "fatalizmo", "servilizmo", "miedo" i "galutizmo" del "sionizmo djeneral" - el empeso a agitar por el movimiento revizionistiko de Zeev Vladimir Zabotinski. En uno de estos viyajes agitativos, en el lugar yamado Tukuman, el resivio un infarkte - i se murio en lugar - en la edad de 63 anyos. ------------En muchas gazetas i diyarios - en yugoslavi i en afuera fueron publikadas muchas kritikas serka aktos teatrales del haham Djaen. Afuera de tres publikados en Vina en el anyo 1922. no savemos si algunos mas fueron trrayidos a la luz del dia. Los datas sovre ovras mensionadas en la presa djudia trayiremos aki en el orden alfabetiko. 1. Bar-Kohba 2. Debora 3. Del mundo de ariba i del mundo de abaso 4. Ester 5. Hatehija 6. La geula 7. La ija del sol 8. Mes sospiros, kansiones. 9. Muestros kreatures 10. Pogrom en Kisinyev 11. Pionires 12. Re Shelomo i La Rena Shulamit 13. Sara Aronson 14. Siromaskov dom (serbesko: la kaza del proveziko) 15. Yiftah
